Diaspor üzvləri Moskvada terror qurbanlarını yad ediblər
Sentyabrın 3-də Rusiyada Terrorla Mübarizədə Həmrəylik Günü münasibətilə matəm mərasimi keçirilib. "Xeber7.az"ın məlumatına görə mərasimdə Əli Kazımovun rəhbəri olduğu "Moskva şəhər Qərb İnzibati Dairəsi Azərbaycanlılarının Milli-Mədəni Muxtariyyəti” ictimai təşkilatının üzvləri də iştirak ediblər.
Xatırladaq ki, sentyabrın 3-ü təsadüfi deyil, dövləti və cəmiyyəti terrorçuların əməllərinə qarşı birləşdirən yaddaqalan tarixə çevrilib: məhz bu gündə Rusiyada ən dəhşətli və qeyri-insani terror aktlarından biri- Beslan hadisələri baş verib.
"Moskva şəhər Qərb İnzibati Dairəsi Azərbaycanlılarının Milli-Mədəni Muxtariyyəti” ictimai təşkilatının üzvləri də 2010-cu il martın 29-da metronun “Park Kulturı” stansiyasında terrora qarşı mitinqdə iştirak ediblər.