Azərbaycan Respublikası Dövlət Gömrük Komitəsinin sədri, gömrük xidməti general-leytenantı Şahin Bağırov Dövlət Gömrük Komitəsi yanında  İctimai Şuranınüzvlərini qəbul edib.

Komitənin sədri Şahin Bağırov, İctimai Şuranın son iki illik fəaliyyətini yüksək qiymətləndirib və onlara uğurlar arzulayıb.

Daha sonra, Dövlət Gömrük Komitəsi yanında İctimai Şuranın sədri Ramil Əliyev çıxış edərək qeyd edib ki, bu qiymətləndirmə, dövlət tərəfindən ictimai nəzarətin və vətəndaş-dövlət əməkdaşlığının gücləndirilməsinə göstərilən diqqət və qayğının bariz göstəricisidir.

“İctimai Şura olaraq, cənab Prezidentin həyata keçirdiyi dövlət siyasətini bundan sonra da qətiyyətlə dəstəkləyəcəyik. Komitə əməkdaşlarının bizə göstərdiyi diqqətə görə təşəkkürümüzü bildiririk” – deyə Ramil Əliyev bildirib.

Görüşdə  İctimai Şura üzvləri Dövlət Gömrük Komitəsinin sədri Şahin Bağırov tərəfindən təltif edilib.