Əczaçı-ekspert Maqsud Aslanov əhalinin sağlamlığı ilə bağlı bəzi suallarımızı cavablandırıb.

-Son zamanlar əhali arasında Bioloji aktiv maddələrlə bağlı məlumat əldə etmək istəyi artmışdır, istərdik deyəsiniz, BAM deyilən bu məhsullar nədir?

- Bioloji aktiv maddələr aptek çeşidi məhsullara aid olsa da dərman vasitəsi deyildir. Parafarmasevtik məhsullar qrupuna aiddir.  Xəstəliklərin müalicəsində və reabilitasiya dövründə köməkçi vasitə kimi istifadə olunur. Bu məhsullar əsasən təbii mənşəli olmaqla bir neçə məqsədlə islehlak edilir. Son zamanlar idmanla məşğul olan protein tərkibli, artıq çəkidən əziyyət çəkənlər isə arıqlamaq üçün bu vasitələrdən istifadə edirdilər.

-Son zamanlar arıqlamaq üçün vasitələrdən kütləvi şəkildə istifadə edilir ki, bunların da xeyli fəsadları meydana çıxır. Bu barədə nə dəyə bilərsiniz?

- Sadə dildə desək qeyd etmək istərdim ki, arıqlamaq üçün vasitələr: yağları əridən, orqanizmə daxil olmuş yağların tam şəkildə xaric edilməsi və əsasən sellüloza tərkibli maddələr mədədə müəyyən kütlə yaradan vasitələrə bölünür. Arıqlamaq üçün vasitələrə bəzi dərman preparaları da aid edilir: sidikqovucular,  işlədicilər və saitlərini qeyd etmək olar.

-Bu vasitələrdən həkim-dietoloqun məsləhəti olmadan istifadəyə necə baxırsınız?

- Tərkibinin təbii və ya sintetik maddələrdən ibarət olub-olmamasına baxmayaraq, yuxarıda qeyd olunan vasitələr mütləq mütəxəssis tərəfindən təyin edilməli və onların nəzarəti altında qəbul edilməlidir. Əlavə etmək istəyirəm ki, sürətlə arıqlamaq (qısa müddətdə 15-20 kq) müəyyən fəsadlar yarada bilər. Elektron KİV-də olan məlumatlara ehtiyatlı yanaşılmalıdır. Bilik üçün effektiv olan digəri üçün təhlükəli ola bilər.