"Rusiya ilə Polşa arasında münaqişənin başlaması və qığılcımların baş verməsi gözlənilən idi". "Xeber 7" məlumat verir ki, bu fikirləri SİA-ya açıqlamasında politoloq Ramiz Alıyev bildirib.

Onun sözlərinə görə, Polşa ərazisinə raketlərin düşməsi NATO ölkələrinin toplanmasını dəqiqləşdirən amil olub: "Bu zamanda müharibənin genişlənməsi gözlənilir. Düşünürəm ki, ağıllı dövlətlərin böyük əksəriyyəti bu müharibədən qaçacaqlar. Çünki hazırda Rusiya ilə Ukrayna arasında gedən müharibə yanlız Ukraynaya deyil, ümumiyyətlə dünya ölkələrinə, onların əhalisinə, eyni zamanda iqtisadi inkişafa çox böyük zərbə vurur. Rusiya-Ukrayna müharibəsi nəticəsində dünyada taxıl böhranı yaranmağa başlamışdı. Bu da aclığa gətirib çıxaracaqdı. Amma Türkiyə prezidenti Rəcəb Tayyib Ərdoğanın təşəbbüsü ilə taxıl dəhlizi yarandı və Ukraynada olan taxıl dünya bazarına çıxarıldı. Bu bir növ onu göstərir ki, növbəti bir ölkə ilə münaqişə daha çox fəsadların yaranmasında gətirib çıxaracaq. Düşünürəm ki, Rusiya kimi güclü bir ölkə ilə NATO-ya daxil olan ölkələrinin müharibəsi baş verməyəcək. Hesab edirəm ki, belə bir müharibə başlayarsa dünyada böyük fəlakətlər baş verəcək".

Müəllif: Abutel İlhamqızı