Londonda Səfirliyimizə qarşı edilən təxribat hər bir azərbaycanlını qəzəbləndirdiyi kimi, həm də təəccübləndirdi. Ona görə ki, London kimi bir şəhərdə belə bir halın yaşanması, həqiqətən də təəccüb doğurur. 

Bu fikri Milli Məclisin İqtisadi Siyasət, sənaye və sahibkarlıq komitəsinin sədri Tahir Mirkişili "Xeber 7”ə bildirib.

Tahir Mirkişili deyib ki, İslam dini altında fəaliyyət göstərərək iz itirən əksər dini təriqətçilər, əslində lobbilərin və xüsusi xidmət orqanların alətinə çevrilən bir terrorist quruplaşmadır. Bizim ölkəmizdə, demək olar ki, bütün beynəxlaq təşkilatların nümayəndəlikləri, dünyanın bir çox dövlətlərinin səfirlik və konslluqları var, onların əməkdaşlarının və yerləşdiklər binların təhlükəsizliyi  bizim hüquq-mühafizə orqanları tərəfindən ən yüksək formada qorunur. Özü də heç bir ayrı-seçkilik edilmədən! 
Hər kəsə məlumdur ki, Vyana Konvensiyasına uyğun olaraq diplomatların və diplomatik binaların təhlükəsizliyinin təmin edilməsi birbaşa həmin dövlətlərin üzərinə düşür. Bu cür təxribatın törədilməsi hesab edirəm ki, Azərbaycanla yanaşı, Böyük Britaniya və Şimali İrlandiya Krallığına da qarşı yönəlmiş bir təxribatdır. Maraqlı məqamlardan biri də odur ki, beynəlxalq təşkikatlar və böyük dövlətlər səfirliyimizə qarşı olunan hücuma lazımi reaksiyanı vermədilər. Bəlkə də bu hal başqa bir dövlətin səfirliyinə qarşı olsaydı onda münasibət tamailə fərqli olardı. Onsuz da biz bu 30 ildə ölkəmizə qarşı aparılan məkirli siyasəti görmüşük. Biz 44 günlük Vətən müharibəsində də özmüz xalq olaraq Ali Baş Komandanın yanında birləşərək tarixi torpaqlarımızı düşməndən azad etdik, bununla həm də BMT-nin icra olunmamış qətnamələrinin də yerinə yetirilməsinə nail olduq. Özü də dəmir yumuruqla! Bizim Dövlət Bayrağımıza qarşı hörmətsizlik etməyə çalışanlar yanılırlar! O bayraq heç bir zaman enməyəcək! Bu bayraq Azad və Müsəlman olan Türkün şanlı bayrağıdır! Onu 100 il ərzində düşmənlər çox endirməyə çalışdılar, amma o daim yüksəldi!  Bu müqəddəs bayraq Londondan, Vaşinqtondan, Brüsseldən, Parisdən, Moskvadan, Pekindən daha uca olan Şuşada dalğalanır! O, hər bir azərbaycanılın ürəyində əbədi həkk olubdur! Nə qədər ki, Azərbaycan var, nə qədər ki, mərd, vətənini sevən azərbaycanlılar var, bu şanlı bayraq daim göylərdə olacaq!