"Bu gün böyük qürur hissi ilə Füzuli rayonunun işğaldan azad olunmasının ikinci ildönümünü qeyd edirik. 44 günlük Vətən müharibəsi günlərində Ali Baş Komandan İlham Əliyevinn Müzəffər Ordumuzun rayon və kəndlərin işladan azad olunmasını elan etməsini həsrətlə gözləyirdik. Oktyabrın 17-də Ali Baş Komandan Füzulinin azad olunması xəbərini elan etməsi ilə xalqımızı növbəti dəfə qürurlandırdı". Bu fikirləri Korrupsiyaya Qarşı Mübarizə Mərkəzi İctimai Birliyinin sədri Səadət Məhərrəmova Füzulinin işğaldan azad olunmasının ikinci ildönümü ilə bağlı saytımıza bildirib.

Səadət Məhərrəmova deyib ki, rəsmi İrəvan törətdiyi hərbi cinayətlərə görə məsuliyyət daşımalıdır: "Erməni hərbi birləşmələrinin təxribatı nəticəsində mülki əhaliyə, dövlət əmlakına, infrastruktur obyektlərinə, habelə sahibkarlıq subyektlərinə dəyən ziyanın qiymətləndirilməsi üçün bütün lazımi tədbirlər görüləcəkdir. Dağıntı və ziyanın müəyyənləşdirilməsi üçün işçi qrup tərəfindən qiymətləndirmə işləri aparılacaqdır. Yerli və xarici ekspertlərin iştirakı ilə aparılacaq bu işlər nəticəsində erməni vandalizminə adekvat qiymət veriləcəkdir. Füzuli azad edilmiş rayonlar arasında minaların sayına görə ən çox çirkləndirilmiş rayondur - yüz mindən çox mina basdırılıb".
Füzuli rayonunun yeni inkişaf dövrünü yaşadığını deyən Səadət Məhərrəmova Prezident, Müzəffər Ali Baş Komandan İlham Əliyevin azad olunmuş Füzuliyə dəfələrlə səfərlər edərək yeni-yeni yoları, tikililərin təməlqoyma və açılışında iştirak edib.