Azərbaycan Prezidenti İlham Əliyevin rəhbərliyi və Nizami Gəncəvi Beynəlxalq Mərkəzinin təşkilatçılığı ilə martın 9-da “Dünya bu gün: Çağırışlar və ümidlər” mövzusunda keçirilən X Qlobal Bakı Forumu regional və qlobal problemlərin müzakirəsi və həlli baxımından mühüm əhəmiyyət kəsb edir. Forumda bir çox dövlət başçıları, keçmiş prezidentlər, Nobel mükafatçıları və digər tanınmış şəxslər iştirak edirlər. Şübhəsiz ki, X Qlobal Bakı Forumu kimi mötəbər bir tədbirə evi sahibliyi etmək Azərbaycanın beynəlxalq nüfuzuna müsbət təsir göstərəcək.
Bu barədə "Xeber 7"-ə politoloq Ramiz Alıyev bildirib.
Onun sözlərinə görə, cənab Prezident İlham Əliyev Forumda çıxış edərək çox vacib məqamlara toxundu. Dövlət başçısı əsasən Azərbaycanın Avropanın və dünyanın enerji təhlükəsizliyindəki rolundan bəhs edir: “Azərbaycanın 2018-ci ildən TANAP, 2021-ci ildən isə TAP vasitəsilə Avropaya qaz ixracına toxunan cənab Prezident qeyd etdi ki, ölkəmiz 2021-ci ildə 19 milyard kubmetr qaz ixrac etmişdisə, 2023-cü ildə bu rəqəmin 24,5 milyard kubmetr olacaq. Ümumi qaz ixracımızı 31-32 milyard kubmetrə çatdıracağıq, Avropa İttifaqına isə 20 milyard kubmetrdən daha çox qaz ixracı TAP vasitəsilə həyata keçiriləcək. Bu rəqəmlərin arxasında böyük zəhmət, strategiya dayanır. Azərbaycanın qaz resurslarından gəliri ümumi enerji ixracında ilk dəfə olaraq 2022-ci ildə 42-43 faizlik paya malik olub. Bu kiçik rəqəm deyil”.
Politoloq qeyd etdi ki, Azərbaycan enerji strategiyasında bərpaolunan mənbələr əsasında elektrik enerjisinin ixracına da xüsusi əhəmiyyət verir: “Bununla bağlı Azərbaycanın 200 qiqavata qədər potensialı var. Bunun 157 qiqavatı dəniz üzərində külək enerjisi, 27 qiqavatı isə quruda günəş, külək enerjisidir. Qalanı isə hidrogen və digər bərpaolunan enerji mənbələridir. Yaxın 5 ildə Azərbaycan özünün yaşıl enerji mənbələri hesabına elektrik enerjisi istehsalını 6 qiqavata qədər qaldırmağı və bunun da 80 faizə qədərinin ixracını hədəfləyir. Biz bu istiqamətdə olan planlarımızı həyata keçirmək üçün xarici şirkətlərlə, beynəlxalq qurumlarla yaxından əməkdaşlıq edirik”.
R.Alıyev onu da əlavə etdi ki, Bakı Forumu Azərbaycanın dünyanı narahat edən problemlərə nə qədər həssas və ciddi yanaşdığını bir daha göstərir: “Qlobal Bakı Forumu öz əhəmiyyətinə və sambalına görə yalnız Davos Dünya İqtisadi Forumu kimi müqayisə oluna bilər. Bir sıra hallarda Bakı forumu bir sıra digər beynəlxalq forumları geridə qoyur. Qlobal Bakı Forumunda dünyanı narahat edən məsələlər ətrafında müzakirələr aparılır, çıxış yolları aranır. Tam müstəqil bir platforma olan Bakı Forumunda aktual məsələlər - münaqişələr,post pandemiya dövründə inkişaf məsələləri və digər mühümproblemlər müzakirə olunacaq. Hesab edirəm ki, Qlobal Bakı Forumu dünyanın bu günü və gələcəyi üçün çox mühüm əhəmiyyət kəsb edən toplantıdır".