“Azərbaycanın D-8 (Developing-8) təşkilatına üzv olması bir neçə mühüm əhəmiyyət kəsb edir. Çünki D-8 təşkilatı inkişaf etməkdə olan ölkələr arasında iqtisadi əməkdaşlığı artırmağı hədəfləyir. Bu, Azərbaycanın ticarət əlaqələrini genişləndirməyə və yeni bazarlara çıxış əldə etməyə kömək edəcək”. Bu fikirləri saytımıza Yeni Azərbaycan Partiyasının İdarə Heyətinin üzvü, politoloq Asif Əsgərli saytımıza açıqlamasında bildirib.

Asif Əsgərli deyib ki, D-8 təşkilatı üzv ölkələr arasında sosial və iqtisadi inkişafı dəstəkləməyə yönəlmiş layihələr həyata keçirir: “Bu, Azərbaycanın sosial infrastrukturunun inkişafına töhfə verə bilər. D-8 təşkilatı siyasi platforma olaraq da önəmlidir. Bura  üzv ölkələrin siyasi mövqelərini bir araya gətirərək beynəlxalq platformalarda daha güclü bir səs yaratmağa imkan verir. Bu, Azərbaycanın xarici siyasətini daha da möhkəmləndirəcək. D-8 təşkilatı çərçivəsində regional infrastruktur layihələri, yolların, dəmir yollarının və logistika mərkəzlərinin inkişafını stimullaşdıraraq Azərbaycanın transport mərkəzi kimi rolunu gücləndirə bilər. Burada, həmçinin texnoloji mübadilə, mədəniyyət və turizm əlaqələrinin qurulması xüsusi önəm daşıyır.  D-8 təşkilatı üzv ölkələr arasında texnoloji əməkdaşlığı təşviq edir. Mədəni mübadilə və turizmin inkişafını da dəstəkləyir. Bütün bu cəhətlər, Azərbaycanın D-8 təşkilatına üzv olmasının strateji əhəmiyyətini vurğulayır”.

Onun sözlərinə görə , ümumiyyətlə, Azərbaycanın D-8 təşkilatına üzv olması, ölkə üçün bir sıra yeni perspektivlər və inkişaf yolları aça bilər: “D-8 təşkilatı çərçivəsində regional infrastruktur layihələri, yolların, dəmir yollarının və logistika mərkəzlərinin inkişafını stimullaşdıraraq Azərbaycanın transport mərkəzi kimi rolunu gücləndirə bilər. Eyni zamanda Azərbaycan QHT-lərinin beynəlxalq əməkdaşlığı daha da genişləndirəcək. Bu perspektivlər, Azərbaycanın D-8 təşkilatına üzv olmasının strateji əhəmiyyətini və ölkənin inkişafına olan müsbət təsirlərini daha da aydınlaşdırır”.