"Ötən əsrin 80-ci illərinin sonu 90-cı illərinin əvvəllərində bütün bizi əhatə edən regionlarda, o cümlədən Azərbaycanda baş verən milli azadlıq hərəkatlarında bir çox şəxslər olmuş ki, təbii ki bunlar o dövrdə axara uyğun bu proseslərdə iştirak etmişlər. Heç bir siyasi ictimai proseslərdə rolu olmayan, illər keçdikdən sonra artıq tarixin arxivinə qovuşmuş bu şəxslər hər hansı bir fikir bildirmək, uydurma sözlər ortaya atmaqla yenidən gündəmdə olmaq istəyirlər. Bununla çalışırlar ki,  onlara hər hansı bir maraq yaransın. Belə şəxslərsən biri olan Nemət Pənahlının mediada sərbəst, azad söz söyləmək imkanından istifadə edərək qarayaxma, uydurma fikirləri yayması təəssüf doğurur". Bu fikirləri saytımıza Yeni Azərbaycan Partiyasının İdarə Heyətinin üzvü, politoloq Asif Əsgərli bildirib.

Asif Əsgərli deyib ki, Nemət Pənahlının Azərbaycan xalqının ümummilli lideri Heydər Əliyev haqqında səsləndirdiyi cəfəng fikirlər yalnız onun şəxsi illuziyasından irəli gəlir: "Təbii ki, bunların heç bir əsası yoxdur. O dövrdə ölkənin bütün siyasi qüvvələri özləri maraqlı idi ki, ulu öndərlə görüşsünlər və hər hansı bir siyasi məsələni müzakirə etsinlər. O cümlədən belə can atanlardan biri də Nemət Pənahlı idi. Və vaxtilə silahdaşlıq etdiyi Xalq Cəbhəsi hakimiyyəti artıq ölkədə əhali arasında nüfuzu olmadığı bir zaman ona qarşı kampaniyaya başlamışdır. Belə bir fonda o istəyirdi ki, yeni siyasi hakimiyyətə gələn ulu öndərə yaxınlaşsın. Və ondan hər hansı öz siyasi məqsədləri üçün istifadə etsin. Və heç bir dövrdə onun hər hansı bir siyasi proseslərə təsir etmək gücü olmayıb. Xalq arasında elə bir təsir qüvvəsi yox idi ki, arxasınca böyük bir kütlə aparsın. Təbii ki, Heydər Əliyevin heç vaxt Nemət Pənahlı kimilərin dəstəyinə ehtiyacı olmayıb. Heydər Əliyevi xalq dəstəkləyirdi. Necə əvvələr xalq arxasında olub, ikinci dəfə siyasi hakimiyyətə gələndə də arxasında olduğunu göstərdi". 
Politoloq bildirib ki, Nemət Pənahlı bu gün öz ampulasına sadiq qalaraq zaman-zaman siyasi ambisiyalarını davam etdirməklə hər hansı bir siyasi məsələlərdə özünü yenidən gündəmə gətirmək arzusu ilə belə bir fikirlər ortaya atır: "Onun ulu öndərlə bağlı o uydurma fikirlərini heç kəs qəbul etmir və qəbul etməyəcəkdir də. Nemət Pənahlı yaxşı olardı ki, bir ara hər hansı bir bölgədə başqa bir fəaliyyətlərlə məşğul olamğa başlamışdır. Yaxşı olardı ki, o fəaliyyətlərini davam etdirsin. Və artıq onun siyasi proseslərdə olamdığı bu daha görünür".