Azərbaycan Respublikası Dövlət Gömrük Komitəsi yanında İctimai Şuranın 2 illik fəaliyyəti haqqında hesabatı.
Azərbaycan Respublikası Dövlət Gömrük Komitəsi yanında fəaliyyət göstərən İctimai Şura ötən iki il ərzində öz fəaliyyətini “İctimai iştirakçılıq haqqında” Azərbaycan Respublikası Qanununun tələblərinə uyğun şəkildə həyata keçirmişdir. Bu dövr ərzində Şura dövlət–vətəndaş münasibətlərinin inkişaf etdirilməsi, ictimai nəzarətin gücləndirilməsi və şəffaflığın təmin olunması istiqamətində ardıcıl fəaliyyət göstərmişdir.
İctimai Şura öz fəaliyyətində ölkə rəhbəri, Azərbaycan Respublikasının Prezidenti cənab İlham Əliyevin həyata keçirdiyi dövlət siyasətini dəstəkləmiş, aparılan islahatların ictimai müstəvidə düzgün çatdırılmasına və vətəndaş cəmiyyətinin bu proseslərdə fəal iştirakına töhfə vermişdir. Gömrük sahəsində aparılan institusional islahatların ictimai nəzarət mexanizmləri vasitəsilə dəstəklənməsi Şuranın əsas fəaliyyət istiqamətlərindən biri olmuşdur.
Hesabat dövründə İctimai Şura gömrük orqanları ilə əməkdaşlıq çərçivəsində müxtəlif müzakirələrdə, görüşlərdə və ictimai dinləmələrdə iştirak etmiş, vətəndaş müraciətlərinin araşdırılmasına, təklif və tövsiyələrin hazırlanmasına diqqət yetirmişdir. Bu fəaliyyət ictimai iştirakçılığın real və funksional mexanizm kimi formalaşmasına xidmət etmişdir.
Gələcək dövrdə ictimai şuraların fəaliyyətinin daha da təkmilləşdirilməsi üçün təcrübənin artırılması, institusional imkanların genişləndirilməsi və şəffaf, peşəkar, ictimai etimada malik şəxslərin bu strukturlara cəlb olunması mühüm əhəmiyyət kəsb edir. Bu yanaşma ictimai şuraların effektivliyini artırmaqla yanaşı, dövlət idarəçiliyində ictimai nəzarətin rolunu daha da gücləndirəcəkdir.
İctimai Şura bundan sonra da üzərinə düşən vəzifələri məsuliyyətlə yerinə yetirərək dövlət və cəmiyyət arasında körpü rolunu davam etdirməyi qarşısına məqsəd qoyur.
Dövlət Gömrük Komitəsi yanında ictimai şuranın sədri Ramil Əliyev.