"Yeni həyat iqtisadi-inkişaf" İctimai Birliyi Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə “Qarabağ və Şərqi Zəngəzurun potensialının tədqiqi” layihəsinə yekun vurub. 
Layihə rəhbəri Ədil Ədilzadə layihə barəsində məlumat verib. Bildirib ki, 3 ay həyata keçirilən layihə çərçivəsində Qarabağ və Şərqi Zəngəzurun potensialı tədqiq olunub. Media və sosial şəbəkə imkanlarından istifadə olunaraq layihənin əhatə dairəsi daha da genişləndirilib. 
Ə.Ədilzadə onu da bildirib ki, layihənin əsas məqamlarından biri də həyata keçiriləcək işlər ölkə hüdudlarından kənarda qurulması idi ki, bu istiqamətdə işlər aparılıb. Belə ki, Avropa və ərəb medialarında 4 yazı dərc olunub: "Polşa, Özbəkistan, Pakistan və Türkiyə KİV-lərində  dərc  olunan yazılarda Qarabağ və Şərqi Zəngəzur bölgələri Azərbaycanın strateji və iqtisadi baxımdan böyük əhəmiyyət kəsb edən ərazilər olduğu vurğulanıb. Bildirilib ki, 2020-ci il Vətən müharibəsində bu bölgələri Azərbaycan işğaldan azad edib. Və artıq Azərbaycan dövlətinin burada genişmiqyaslı bərpa və yenidənqurma işlərinə start verdiyi xatırlanıb.
Məqalələrdə Qarabağ və Şərqi Zəngəzurda xarici şirkətlər üçün investisiya imkanlarıının yaradılmasından bəhs olunub. Həmçinin məqalələrdə Qarabağ və Şərqi Zəngəzurda Azərbaycan–Türkiyə qardaşlığının iqtisadi təzahürü xüsusi olaraq qeyd olunub.
Layihə rəhbəri onu da bildirib ki, layihə çərçivəsində internet TV verliş də hazırlanıb ki, bu verlişdə də əsas müzakirə mövzusu Qarabağ və Şərqi Zəngəzurun iqtisadi potensialı və bu potensialdan səmərəli istifadəyə həsr olunub.