Krasnoyarsk Deputatlar Şurasının millət vəkili, Krasnoyarsk diyarı “Azərbaycan milli-mədəni muxtariyyəti” ictimai təşkilatının sədri Taleh Mahmudov Prezident İlham Əliyevə təbrik məktubu ünvanlayıb.

Taleh Mahmudov məktubunda Ali Baş Komandanın doğum gününü böyük sevinc hissi ilə səmim qəlbdən təbrik etdiyini bildirir: “Azərbaycanın xaricdə təbliği diasporumuz üçün hər zaman prioritetdir. Biz, Krasnoyarsk diyarı “Azərbaycan milli-mədəni muxtariyyəti” ictimai təşkilatı olaraq birlik nümayiş etdirərək hər zaman bu missiyanı yerinə yetirir, dövlətimizi və Sizin siyasətinizi dəstəkləyirik. Biz vətənimizdən kənarda azərbaycançılığı qoruyaraq millətimizi layiqincə təmsil edirik. Bu gün məhz Sizin simanızda Azərbaycan dövləti beynəlxalq arenada tanınır və etibarlı tərfdaş dövlət olaraq qəbul edilir. Artıq “Avropada ən çox arzuolunan şəxs” olaraq adlandırılırsınız və bu səmimi sözləri Avropa liderlərinin dilindən eşitmək hər birimizi qürurlandırır.

Sizin apardıgınız düzgün və müdrik siyasətini nəticəsində düşmən layiqli cavabını alıb. Siz xalqımıza otuz ildən bəri gözlənilən Qələbə sevincini yaşatdınız. Bu sevincə Krasnoyarskda yaşayan soydaşlarımız da qoşulmuşdular.

Bir daha doğum gününüz münasibətilə Sizi ürəkdən təbrik edirik! Sizə möhkəm cansağlığı, uzun ömür və firəvan həyat arzulayıq.

Cənab Ali Baş Komandan, Allah Sizı qorusun”.