Rusiya Federasiyasının Murmansk şəhəri, Frolova küçəsində yerləşən ailə Kitabxanasında "Nağıllar vasitəsilə dostluq" tədbiri keçirilmişdir. 

Kitabxana oxucularının və digər qonaqların  qarşısında Murmansk vilayəti “Azərbaycan Mədəniyyət Mərkəzi” İctimai Təşkilatının  sədr müavini - Mehdi Fəyyazlı çıxış etmişdir. O, oxucuları Azərbaycanın adət-ənənələri, milli rəqsləri, Azərbaycan xalqının mənşəyi, tarixi, xalq geyimlərinin rəngləri və ornamentləri, Musiqi alətləri, milli mətbəxi ilə tanış etmişdir. Sonda isə dahi Azərbaycan şairi Bəxtiyar Vahabzadənin şeirini Azərbaycan türkcəsində səsləndirmişdir! 

Həmçinin oxucular və onların valideynləri Tapmacalar tapmış, "Azərbaycan Odlar Yurdu" viktorinasında iştirak etmiş, Azərbaycan xalq musiqilərini dinləmişlər.