Jurnalist Nuh Mehmet DENİZ bəyin aparıcılığı ilə Avrasiya Türk Dərnəkləri Federasiyasının rəhbəri İsmail CENGİZ və Qafqaz Tarixi Mərkəzi-Türkiyə rəhbəri e.o. polkovnik Akif QASIMOVUN qonaq olduğu “Türk diasporası” televiziya proqramında Ukraynadan Qazzaya, Kırımdan Uygur Bölgəsinə, Qarabağ münaqişəsinin nəticələri və Zəngəzur koridorundan Türküstan coğrafyasına, Türkün yaşadığı bölgələrlə əlaqədar olaraq 75 dəqiqəlik bir vaxt ərzində təhlil edilib.

Proqramda Qafqaz Tarixi Mərkəzinin-Türkiyə rəhbəri Akif QASIMOV MDB ölkələri ərazisində “Rus minaları”, Ermənistan-Azərbaycan sülh prosesi fonunda Qafqazda, Qazzada və Ukraynada baş verən hadisələrin inkişafı haqqında hərbi siyasi qiymətləndirmələr edib. Eyni zamanda, Türk Dövlətləri Diaspor Təşkilatların rəhbərlərinin birgə iclasında toxunalan mövzular barədə ətraflı məlumat verilib.
Daha sonra, Hollandiya parlament seçkilərində türkün Hollandiya baş naziri olması ehtimalı, keçən ilin 24 noyabr tarixində Urumçi şəhərində baş verən faciəli yanğın hadisəsində həyatlarını itirmiş 44 nəfərin yad edilməsi, Ülkü Ocakları Türk Dünyası mükafatı müsabiqəsinin nəticələri barədə məlumatlar verilib.

Qafqazdakı enerji mənbələrinin və Zəngəzur koridoru ilə İran yolunun açılmasından ABŞ-ın narahat olmasını, bununla bağlı Fransa və ABŞ tərəfindən Ermənistan və Gürcüstanı Rusiya qarşı təhrik edildiyini qeyd edən Akif QASIMOV çıxışın sonunda “Türkiyə və Azərbaycanın “Bir millət iki dövlət ruhu” ilə birlikdə hərəkət etməsinin nəticəsi olaraq Qarabağın tamamilə işğaldan azad olunması Qafqazda yeni reallıq yaratmışdır. Çünkü Qarabağ Qafqazın qəlbidir” deyib.