Polşa Azərbaycanlıları Şurasının idarə heyəti 14 oktyabr 2024-cü il tarixində Varşava İqtisadiyyat Məktəbində (SGH) keçirilmiş “Mədəni yaddaşımızda Qərbi Azərbaycan” adlı fotosərginin açılışında iştirak etmişdir.

Sərginin açılış mərasimində Varşava İqtisadiyyat Məktəbinin (SGH) rektoru professor Piotr Vaxovyak, Azərbaycan Respublikasının Polşadakı Səfiri Xanım Nərgiz Qurbanova və Qərbi Azərbaycan İcmasından sərginin koordinatoru Xanım Ülviyyə Zülfiqar çıxış etmişlər.

Açılışdan sonra qonaqlar Qərbi Azərbaycan mətbəxinin ləziz təamlarından dadmaq imkanı əldə etmiş, fotosərgi haqqında ümumi mövzularda müzakirələr aparmışlar.

Nəzərinizə çatdıraq ki, sərgini 25 oktyabr 2024-cü il tarixinədək Varşavada, al. Niepodległości 128 ünvanında yerləşən İqtisadiyyat Məktəbinin (SGH) “C” binasında ziyarət etmək mümkündür.