“Elmlə təhsili bir-birindən ayırmaq mümkün deyil. Bəzən hətta “elm və tədris" sözü də işlənir. Mən hətta buraya "tədqiqatlar" sözünü də əlavə edərdim”.

“Xeber 7” məlumat verir ki, bunu elm və təhsil naziri Emin Əmrullayev “AzTV” telekanalının “Hədəf” verilişinə müsahibəsində deyib.

“Biri var elmi tədqiqatlar, biri də var ali təhsil müəssisələrində həyata keçirilən tədris prosesi, tədris proqramları. Bunları bir-birindən ayrı şəkildə təsəvvür etmək mümkün deyil. Çünki istənilən elmi tədqiqatları aparmaq üçün mütəxəssislər hazırlanmalıdır. Onların yetişməsi üçün müvafiq proqramlar olmalıdır.Hansısa elmi tədqiqatçını hazırlamaq üçün ora pillələrlə çatmalıyıq.  Ali təhsil müəssiələrində də kadr hazırlığının daha keyfiyyətli olması üçün ən mütərəqqi elmi tədqiqatları aparma şəraiti və mühitnini olması vacibdir. İnanıram ki, bir çox ali təhsil müəssisələrində, tədqiqat institutlarında bu mühit bəzi hallarda mümkün olub, bəzi hallarda isə olmayıb. Amma bu vəhdət nəticəsində biz daha irəliyə addım ata biləcəyik”, - deyə nazir əlavə edib.