Korrupsiyaya Qarşı Mübarizə Mərkəzi" İctimai Birliyi Azərbaycan Respublikasının (QHT) Təşkilatlarına Dövlət Dəstəyi Agentliyinin maliyə dəstəyi ilə “Koorrupsiya və rüşvətxorluğa qarşı mübarizədə institusional tədbirlərə dəstək” layihəsinə start verib.

Layihənin əsas məqsədi regionda olan vətəndaşların koorrupsiya, rüşvətxorluğa qarşı mübarizədə maarifləndirməkdən ibarətdir.

Layihə Salyan və Şamaxı rayonlarında vətəndaşlar koorrupsiya və rüşvətxorluqla bağlı maariflənəcək, koorrupsiya və rüşvətxorluğa qarşı hökumətin həyata keçirdiyi siyasətdə Vətəndaş Cəmiyyətinin rolunun artması ilə nəticələnəcək: “Prezident cənab İlham Əliyevin 4 aprel 2022-ci il tarixində imzaladığı müvafiq Sərəncamla “Korrupsiyaya qarşı mübarizənin gücləndirilməsinə dair 2022-2026-cı illər üçün Milli Fəaliyyət Planı” təsdiqlənib.

 Bu sənədin təsdiqlənməsi Azərbaycanın özünün inkişafının indiki mərhələsində korrupsiyaya qarşı mübarizəyə yeni baxışını və niyyətini ifadə edir. Sənəddə vurğulandığı kimi, korrupsiyadan azad mühit və şəffaflıq kimi komponentlər isə məhz bu inkişafın başlıca amilləridir. Milli Fəaliyyət Planı ölkəmizin hazırkı inkişaf mərhələsində korrupsiyaya qarşı mübarizə sahəsində görülməli olan sistem xarakterli tədbirlərin effektivliyini və davamlılığını təmin edəcək fundamental bir sənəddir. Burada respublikamızın hazırkı inkişaf mərhələsinin reallıqları əsas götürülməklə qabaqcıl dünya təcrübəsi nəzərə alınıb. 

 Sənəddə qeyd olunur: “Korrupsiyaya qarşı mübarizənin gücləndirilməsinə dair 2022-2026-cı illəri əhatə edən bu çoxşaxəli Milli Fəaliyyət Planı fərqli fəaliyyət istiqamətləri olan müxtəlif qurumların korrupsiyaya qarşı mübarizə səylərini birləşdirməyə xidmət edir, eləcə də korrupsiyaya qarşı mübarizənin bütün dövlət strukturları və vətəndaş cəmiyyəti institutları ilə birgə sistemli və əlaqəli şəkildə gerçəkləşdirilməsinə imkan yaradır”.Azərbaycanda korrupsiyaya qarşı mübarizədə əlaqədar qurumların koordinasiyalı fəaliyyəti də təmin edilir. 

Qeyd edək ki, respublikamızda Korrupsiyaya Qarşı Mübarizə üzrə Komissiya və Baş Prokuror yanında Korrupsiyaya Qarşı Mübarizə Baş İdarəsi kimi ixtisaslaşmış qurumlar fəaliyyət göstərirlər. Bu qurumlar korrupsiyaya qarşı mübarizə sahəsində dövlət siyasətinin formalaşmasında, cinayət təqibinin və preventiv tədbirlərin həyata keçirilməsində mühüm rol oynayırlar. 3 aylıq həyata keçiriləcək layihə çərçivəsində Salyan və Şamaxı rayonlarında dəyirmi masa keçiriləcək. Vətəndaşlar koorrupsiya və rüşvətxorluğa qarşı maarifləndiriləcək. Hər 2 rayonda tədbirlərlə yanaşı vətəndaşlarla fərdi söhbətlər aparılacaq”.