Yanvarın 4-də Qubada Dəmir Yumruq Beynəlxalq Dostlar Klubunun Fəxri üzvü, Ekologiya və Təbii Sərvətlər Nazirliyinin Quba Regional Nəqliyyat İdarəsinin rəhbəri İmran Seyfulla oğlu Ramazanovun 60 illik yubileyi qeyd olunub.
Mustaqil.az xəbər verir ki, Dəmir Yumruq Beynəlxalq Dostlar Klubununun üzvləri çıxış edərək yubilyarı ad günü münasibətilə səmimi qəlbdən təbrik ediblər.

Ad günü mərasimində İmran Ramazanova fəxri fərman, medal və müxtəlif hədiyyələr təqdim olunub.

Qeyd edək ki, tədbirdə Dəmir Yumruq Beynəlxalq Dostlar Klubu ailəsi adından İmran Ramazanova təbrik oxunub.

Təbrikdə bildirilir: 

“Hörmətli İmran müəllim,

Siz uzun illər ərzində həm peşəkar rəhbər, həm də yüksək insani keyfiyyətlərə malik ziyalı kimi cəmiyyət arasında böyük hörmət və nüfuz qazanmış bir şəxsiyyətsiniz. Rəhbərlik etdiyiniz sahədə məsuliyyətli, prinsipial və ədalətli mövqeyiniz, ekologiyanın qorunması istiqamətində ardıcıl fəaliyyətiniz, dövlətə və xalqa sədaqətlə xidmətiniz hər zaman yüksək qiymətləndirilmişdir. Quba bölgəsində ekoloji tarazlığın qorunması, nəqliyyat işlərinin düzgün və səmərəli təşkili, kollektivə göstərdiyiniz qayğı Sizin müasir və humanist idarəçilik mədəniyyətinizin bariz göstəricisidir.

Eyni zamanda, Sizin əmək fəaliyyətinizlə yanaşı, xeyriyyəçilik və ictimai faydalı işlərə verdiyiniz dəstək, insanlara yardım əlinizi uzatmağınız, ehtiyacı olanlara göstərdiyiniz diqqət və qayğı cəmiyyətimizdə xüsusi rəğbətlə qarşılanır. Məhz bu çoxşaxəli və nümunəvi fəaliyyətinizə görə əmək və xeyriyyəçilik sahəsində göstərdiyiniz xidmətlərə yüksək dəyər olaraq İmran müəllimə birinci dərəcəli “Hacı Zeynalabdin Tağıyev” medalı təqdim edilmişdir. Bu mükafat Sizin fədakar əməyinizin, xeyirxahlığınızın və ictimai nüfuzunuzun layiqli təzahürüdür.

Səmimiyyətiniz, dostluğa sədaqətiniz, insanlara olan hörmət və ehtiramınız Sizə geniş və dəyərli dost çevrəsi qazandırmışdır. Siz təkcə vəzifə sahibi deyil, həm də sözü, əməli və mövqeyi bir olan, gənclərə örnək göstəriləcək əsl ziyalı və etibarlı dostsunuz.

Bu əlamətdar 60 illik ömür zirvəsi münasibətilə Sizə möhkəm cansağlığı, 101 il şərəfli və mənalı ömür, ailə səadəti, ruzi-bərəkət, uzun illər dövlətimizə və cəmiyyətimizə uğurla xidmət etməyi arzulayırıq. Qoy qarşıdakı illər həyatınıza yeni nailiyyətlər, xoş anlar və dəyərli uğurlar gətirsin.

Hörmətiniz daim uca, yolunuz açıq, fəaliyyətiniz bərəkətli olsun!”