Bakı Şəhər Mədəniyyət Baş İdarəsi Yasamal rayon Mərkəzləşdirilmiş Kitabxana Sisteminin M.Ş.Vazeh adına Mərkəzi Kitabxanasının Oxuculara xidmət və Uşaq şöbələri E.Məmmədov adına 21№-li tam orta məktəblə birgə əməkdaşlıq çərçivəsində Dövlət Suverenliyi Günü ilə bağlı “Azərbaycanın suverenlik yolu” adlı tədbir keçirdilər.

Azərbaycanın ərazi bütövlüyü uğrunda canlarını qurban vermiş şəhidlərimizin, Ümummilli Lider Heydər Əliyevin xatirəsi bir dəqiqəlik sükutla yad edildi.

Azərbaycan Respublikasının Dövlət himni səsləndikdən sonra Mərkəzi Kitabxananın Abonement bölməsinin müdiri Lalə Səlimova sentyabrın 20-ndə Azərbaycan Respublikasında Dövlət Suverenliyi Günü kimi qeyd edildiyini vurğuladı. 2023-cü ilin sentyabrın 19-20-də keçirilmiş antiterror tədbirləri nəticəsində Azərbaycanın ərazi bütövlüyünün və dövlət suverenliyinin tam bərpa olunduğunu, bununla da şanlı tariximizə ən parlaq səhifələr yazıldığını bildirdi.

Məktəbin Azərbaycan dili və ədəbiyyat müəllimi Maral Quliyeva Azərbaycanın suveren dövlət kimi mövcudluğunun xalqımızın qəhrəmanlıq mübarizəsi ilə təmin edildiyini, tariximizin müxtəlif dövrlərində insanlığa qarşı törədilən cinayətlərin, kütləvi qətllərin, soyqırımların, işğalların xalqımızın iradəsini sınağa çəkdiyini, lakin bu faciələrə baxmayaraq Azərbaycanın ərazi bütövlüyünün bərpası uğrunda mübarizəsini davam etdirdiyini vurğuladı.

Tədbirlər üzrə təşkilatçı rəhbəri Pərvanə Əliyeva 2020-ci ilin nə qədər çətin il olsa da, Azərbaycan üçün siyasi, diplomatik, hərbi və digər sahələr üzrə uğurla yadda qaldığını, Azərbaycanın bütün dünyaya milli birlik gücünü göstərdiyini bildirdi.

Kitabxananın Uşaq şöbəsinin baş kitabxanaçısı Xumar Babayeva və Oxuculara xidmət şöbəsinin baş kitabxanaçısı Gülnarə Cəlilova şağirdləri Dövlət Suverenliyi Günü münasibəti ilə təbrik edərək onlara yeni dərs ilində uğurlar arzuladılar.

Azərbaycan Dövlət Mədəniyyət və İncəsənət Universitetinin IV kurs tələbəsi Rəqsanə Sayıllı bütün gözəl, bənzərsiz və müqəddəs işlərin insan hünəri ilə əldə edildiyindən, bir xalq kimi müstəqil olmağı istədiyimiz üçün bu yolda aparılan mübarizədən bəhs etdi.

Məktəbin şagirdləri mövzu ətrafında çıxışlar və diskusiyalar apardılar. Sonda şagirdlərdən Ömərşah İbrahim, Fateh Qədirov, Natella Rəhimli, Züleyxa Xudiyeva, Sümayə Nəsirli, Gülay Məmmədova, Məhəmməd Quliyev, Aylin Xudiyeva, Nigar Musayeva, Zəhra Əkbərova torpaqlarımızın azadlığı uğrunda canlarını qurban vermiş Vətən oğullarına və xalqımızın mübarızlıyınə həsr olunmuş şeirlər söylədilər. .