BAKU Azərbaycan
9.03 °C
  • 1 USD ABŞ dolları
    • 1.7000
  • 1 EUR Avro
    ▼ 1.8528
  • 1 RUB Rusiya rublu
    ▲ 0.0208
  • 1 TRY Türkiyə lirəsi
    ▼ 0.2616
  • 1 GBP İngiltərə funt sterlinqi
    ▲ 1.9547
  • 1 USD ABŞ dolları
    • 1.7000
  • 1 EUR Avro
    ▼ 1.8528
  • 1 RUB Rusiya rublu
    ▲ 0.0208
  • 1 TRY Türkiyə lirəsi
    ▼ 0.2616
  • 1 GBP İngiltərə funt sterlinqi
    ▲ 1.9547

22 oktyabr 2026-cı il tarixində Yeni Azərbaycan Partiyası Səbail rayon təşkilatı və Qərbi Azərbaycan İcmasının Səbail rayon nümayəndəliyinin birgə təşkilatçılığı ilə "Qərbi Azərbaycan – milli yaddaşımızın ünvanı" mövzusunda tədbir keçirilib.

SİA xəbər verir ki, tədbirdən əvvəl iştirakçılar Ulu Öndər Heydər Əliyevin abidəsini ziyarət edərək abidə önünə gül dəstələri qoyublar.

Daha sonra Qərbi Azərbaycanın tarixi həqiqətlərini, eləcə də bölgədə dağıdılmış tarixi-mədəni irs abidələrini əks etdirən sərgi ilə tanış olublar.

YAP Səbail rayon təşkilatının inzibati binasında keçirilən tədbir Azərbaycan Respublikasının Dövlət Himninin səsləndirilməsi ilə başlayıb. Daha sonra Ulu Öndər Heydər Əliyevin və Azərbaycanın ərazi bütövlüyü uğrunda canlarından keçmiş şəhidlərin əziz xatirəsi bir dəqiqəlik sükutla yad edilib. Ardınca Qərbi Azərbaycan Televiziyasının hazırladığı, Qərbi Azərbaycanın tarixi, mədəni irsi və tarixi həqiqətlərini əks etdirən film nümayiş olunub.

Filmin nümayişindən sonra tədbiri giriş sözü ilə açan YAP Səbail rayon təşkilatının sədri Muxtar Nağıyev Qərbi Azərbaycan mövzusunun milli yaddaşın qorunması və tarixi ədalətin bərpası baxımından əhəmiyyətini vurğulayıb. O, Azərbaycanın ərazi bütövlüyünün və suverenliyinin bərpası istiqamətində əldə olunan nailiyyətlərə toxunaraq, Prezident İlham Əliyevin rəhbərliyi ilə həyata keçirilən siyasətin ölkənin qarşısında duran mühüm vəzifələrin reallaşdırılması üçün zəmin yaratdığını bildirib.

Muxtar Nağıyev Qərbi Azərbaycana qayıdışın mümkünlüyünə inamını ifadə edərək, bu istiqamətdə milli həmrəyliyin, vətənpərvərliyin və ictimai fəallığın vacibliyini qeyd edib. O, Qərbi Azərbaycan İcmasının tarixi həqiqətlərin beynəlxalq ictimaiyyətə çatdırılması və milli-mədəni irsin təbliği istiqamətində gördüyü işlərin əhəmiyyətini diqqətə çatdırıb.

Daha sonra çıxış üçün söz Qərbi Azərbaycan İcmasının İdarə Heyətinin sədri, Milli Məclisin deputatı Əziz Ələkbərliyə verilib. İcma sədri tədbirin təşkilinə görə YAP Səbail rayon təşkilatının rəhbərliyinə təşəkkürünü bildirib. O, Səbail rayon nümayəndəliyi üçün yaradılmış şəraitin əhəmiyyətini qeyd edərək, ayrılmış yeni ofisin İcmanın fəaliyyətinə töhfə verəcəyinə əminliyini ifadə edib.

Əziz Ələkbərli Qərbi Azərbaycana qayıdış məsələsinin tarixi və siyasi əhəmiyyətindən danışaraq bildirib ki, bu istiqamətdə aparılan fəaliyyət Azərbaycan xalqının tarixi yaddaşının qorunmasına, deportasiyaya məruz qalmış soydaşlarımızın hüquqlarının beynəlxalq müstəvidə müdafiəsinə və qayıdış hüququnun gündəmdə saxlanılmasına xidmət edir.

İcma sədri Prezident İlham Əliyevin rəhbərliyi ilə Azərbaycanın ərazi bütövlüyünün və suverenliyinin bərpası istiqamətində əldə olunan nailiyyətləri xatırladaraq, Qarabağın işğaldan azad edilməsinin Azərbaycan dövlətinin qarşıya qoyduğu strateji hədəfləri reallaşdırmaq əzmini nümayiş etdirdiyini vurğulayıb. O, Azərbaycanın hərbi və diplomatik müstəvidə qazandığı uğurların milli birliyin və məqsədyönlü dövlət siyasətinin nəticəsi olduğunu bildirib.

Əziz Ələkbərli qeyd edib ki, Qərbi Azərbaycan İcmasının əsas vəzifələrindən biri soydaşlarımızı tarixi torpaqlarına qayıdış ideyası ətrafında birləşdirmək, Qərbi Azərbaycanın tarixi, coğrafiyası, mədəniyyəti və irsi ilə bağlı həqiqətləri araşdırmaq, sənədləşdirmək və dünya ictimaiyyətinə çatdırmaqdır. Onun sözlərinə görə, İcmanın fəaliyyəti nəticəsində Qərbi Azərbaycana qayıdış məsələsi ümummilli ideya səviyyəsinə yüksəlib.

İcma sədri təşkilatın struktur bölmələrinin, rayon və kənd icmalarının fəaliyyətindən, elmi-tədqiqat işlərindən, beynəlxalq əməkdaşlıqdan və Qərbi Azərbaycan həqiqətlərinin beynəlxalq təşkilatların sənədlərində əks olunması istiqamətində görülən işlərdən bəhs edib. O, ali təhsil müəssisələrində yaradılan Qərbi Azərbaycan araşdırma mərkəzlərinin gənc nəslin tarixi biliklərinin artırılması və qayıdış ideyasının gələcək nəsillərə ötürülməsi baxımından əhəmiyyətini xüsusi vurğulayıb.

Əziz Ələkbərli bildirib ki, Qərbi Azərbaycana qayıdış məsələsi yalnız Qərbi Azərbaycandan deportasiya edilmiş soydaşlarımızın deyil, bütövlükdə Azərbaycan xalqının milli maraqları ilə bağlıdır. O, bu məqsədə nail olmaq üçün ictimai həmrəyliyin gücləndirilməsinin, tarixi həqiqətlərin ardıcıl təbliğinin və cəmiyyətin bütün üzvlərinin bu prosesdə fəal iştirakının vacibliyini qeyd edib.

Ardınca söz Səbail Rayon Ağsaqqallar Şurasının sədri Baba Bayramlıya verilib. O, çıxışında Qərbi Azərbaycana qayıdış məsələsinin Ulu Öndər Heydər Əliyevin hakimiyyətdə olduğu dövrdən diqqət mərkəzində saxlanıldığını bildirib. Baba Bayramlı Ulu Öndərin Qərbi Azərbaycandan olan soydaşlarımıza xüsusi diqqət və qayğı ilə yanaşmasını xatırladaraq, bu siyasətin milli yaddaşın qorunması və tarixi bağlılığın yaşadılması baxımından əhəmiyyətini qeyd edib.

Şura sədri öz həyatından bir nümunə gətirərək, ali təhsil almaq üçün müraciət etdiyi dövrdə Naxçıvan Dövlət Universitetinə qəbul olunması ilə bağlı xatirəsini bölüşüb. O, həmin vaxt universitetin yeni yaradıldığını və bu addımın Qərbi Azərbaycandan olan gənclərin təhsilinə, eyni zamanda Naxçıvanın ali təhsil müəssisələrinin inkişafına göstərilən diqqətin təzahürü olduğunu vurğulayıb.

Baba Bayramlı Qərbi Azərbaycanın tarixi-mədəni irsinin qorunmasının və gələcək nəsillərə ötürülməsinin hər kəsin üzərinə düşən vəzifə olduğunu bildirib. O, bu sahədə elmi müəssisələrin, ictimai təşkilatların və ailələrin birgə fəaliyyətinin vacibliyini qeyd edib.

Daha sonra çıxış üçün söz Azərbaycan Milli Elmlər Akademiyası Folklor İnstitutunun Qərbi Azərbaycan folkloru şöbəsinin aparıcı elmi işçisi, Qərbi Azərbaycan İcmasının Səbail rayon nümayəndəsi, filologiya üzrə fəlsəfə doktoru Əpoş Vəliyevə verilib.

Əpoş Vəliyev çıxışında Qərbi Azərbaycan folklorunun toplanılması, qorunması və elmi tədqiqata cəlb olunması istiqamətində görülən işlər barədə məlumat verib. O bildirib ki, Qərbi Azərbaycandan deportasiya edilmiş soydaşlarımızın yaddaşında qorunan xatirələr, şifahi xalq ədəbiyyatı nümunələri, adət-ənənələr və ailə tarixçələri milli irsin mühüm tərkib hissəsidir. Alim yaşlı nəslin nümayəndələrinin xatirələrinin qeydə alınmasının və folklor nümunələrinin toplanılmasının xüsusi əhəmiyyət daşıdığını vurğulayıb. Onun sözlərinə görə, bu işlərin vaxtında həyata keçirilməsi vacibdir, çünki yaşlı nəslin yaddaşında qorunan məlumatların itirilməsi bir sıra tarixi faktların və mənəvi irs nümunələrinin gələcək nəsillərə çatdırılmasını çətinləşdirə bilər.

Əpoş Vəliyev Qərbi Azərbaycan folklorunun sistemli şəkildə araşdırıldığını, bu sahədə elmi nəşrlərin hazırlandığını, respublika və beynəlxalq konfransların keçirildiyini diqqətə çatdırıb. O, elmi tədqiqatların nəticələrinin geniş ictimaiyyətə çatdırılmasının, Qərbi Azərbaycanın tarixi və mədəni irsinin təbliğinin vacibliyini qeyd edib.

Çıxışının sonunda alim gəncləri ailələrində qorunan köhnə fotoşəkilləri, fotoalbomları, şifahi xatirələri və folklor nümunələrini toplamağa, onların tarixini araşdırmağa və müvafiq elmi müəssisələrə çatdırmağa çağırıb. O vurğulayıb ki, milli irsin qorunması yalnız elmi müəssisələrin deyil, hər bir ailənin və hər bir vətəndaşın məsuliyyətidir.

Tədbirin sonunda Yeni Azərbaycan Partiyasının Himni səsləndirilib və iştirakçılarla xatirə şəkli çəkdirilib.

“Qərbi Azərbaycan – milli yaddaşımızın ünvanı” mövzusunda tədbir keçirilib - FOTOLAR

“Qərbi Azərbaycan – milli yaddaşımızın ünvanı” mövzusunda tədbir keçirilib - FOTOLAR

“Qərbi Azərbaycan – milli yaddaşımızın ünvanı” mövzusunda tədbir keçirilib - FOTOLAR

“Qərbi Azərbaycan – milli yaddaşımızın ünvanı” mövzusunda tədbir keçirilib - FOTOLAR

“Qərbi Azərbaycan – milli yaddaşımızın ünvanı” mövzusunda tədbir keçirilib - FOTOLAR

“Qərbi Azərbaycan – milli yaddaşımızın ünvanı” mövzusunda tədbir keçirilib - FOTOLAR

“Qərbi Azərbaycan – milli yaddaşımızın ünvanı” mövzusunda tədbir keçirilib - FOTOLAR

“Qərbi Azərbaycan – milli yaddaşımızın ünvanı” mövzusunda tədbir keçirilib - FOTOLAR

“Qərbi Azərbaycan – milli yaddaşımızın ünvanı” mövzusunda tədbir keçirilib - FOTOLAR

“Qərbi Azərbaycan – milli yaddaşımızın ünvanı” mövzusunda tədbir keçirilib - FOTOLAR

“Qərbi Azərbaycan – milli yaddaşımızın ünvanı” mövzusunda tədbir keçirilib - FOTOLAR

Son xəbərlər

44 günlük Vətən müharibəsi – tarixi ədalətin təntənəsi

Şuşa Zəfəri gələcək nəsillərə örnəkdir

“Miss Mister Kids Of Azerbaijan” Uşaq Moda Müsabiqəsinin final günü məlum oldu

“Azərbaycan Gözəli – 2026” Milli Gözəllik Müsabiqəsinin final günü məlum oldu

Bayraq bir dövlətin dünyaya təqdim etdiyi milli imzasıdır

Zəfərə aparan yol: Milli iradənin, birliyin və dövlət qüdrətinin təntənəsi

Şuşa – Zəfərin zirvəsi, milli qürurumuzun rəmzi

Binəqədidə 8 Noyabr – Zəfər Gününün altıncı ildönümünə həsr olunmuş ümumrayon tədbiri keçirilib

225 nömrəli məktəbdə 8 Noyabr – Zəfər Gününə həsr olunmuş tədbir keçirilib

Azərbaycanın 13 Milli Qəhrəmanı Prezidentə müraciət edib

“Dəmir Yumruqdan Zəfərin Səsinə” adlı rəsm sərgisi keçirilib

“ZƏFƏR SALNAMƏSİ” ADLI TƏDBİR KEÇİRİLİB

Daun sindromlu yeniyetmələrin iştirakı ilə “Təbiətin Dostları Festivalı” keçirildi

Qürur mənbəyi, and yerimiz Azərbaycan Bayrağı

Samir Vəliyev:“AIREX 2026” beynəlxalq daşınmaz əmlak sərgisi mühüm platformadır

Rusiyada yaşayan azərbaycanlı həkim-yazar təltif olunub

Sumqayıtda “Süd vəzi patologiyalarına yeni baxış” mövzusunda elmi-praktik konfrans keçirilib

Ümit Özdağ: “Azərbaycan haqqında mənfi düşünən birinin Türkiyə haqqında müsbət düşünməsi mümkün deyil”

Ağıllı kənd təsərrüfatından tibbi auditə qədər: Minskdə süni intellekt forumunda nələr nümayiş etdirilir?

Azərbaycanı Təmsil Edən Beynəlxalq Şeflər Liqası Türkiyədə Beş Mükafata Layiq Görülüb

MDB PA DİMBİ Bakı filialı ilə “Gənclərin Töhfəsi” İctimai Birliyi arasında əməkdaşlıq haqqında Memorandum imzalanıb

Xalq şairi Şəməd Vurğunun 120 illik yubileyinə həsr olunmuş kitabın təqdimatı keçirilib

Azərbaycan – mədəniyyətlərarası dialoqun, multikulturalizmin və birgəyaşayışın etibarlı ünvanı

Mədəniyyətlərarası dialoq: Azərbaycanın dünyaya təqdim etdiyi həmrəylik və əməkdaşlıq modeli

Sevinc Ağa Xəlilqızından oxuculara yeni şeir təddim olunur

Region gənclərinin fəal iştirakçılığı və ictimai liderliyinə dair yeni layihə icra olunmağa başladı

Azərbaycan Braziliya Ciu-Citsu İctimai Birliyinin təşkilatçılığı ilə İctimai Birliyin klublar və flialları arasında açıq turniri keçirilib

Gənclərə həsr olunmuş ömür: Asif Əsgərlinin 50 illik yubileyinə

Qubadlı şəhəri günü – tarixi yaddaş və gələcəyə inam

Qubadlı – Zəfərin və Böyük Qayıdışın ünvanı

Bütün xəbərlər