BAKU Azərbaycan
32.03 °C
  • 1 USD ABŞ dolları
    1.7000
  • 1 EUR Avro
    1.8528
  • 1 RUB Rusiya rublu
    0.0208
  • 1 TRY Türkiyə lirəsi
    0.2616
  • 1 GBP İngiltərə funt sterlinqi
    1.9547
  • 1 USD ABŞ dolları
    1.7000
  • 1 EUR Avro
    1.8528
  • 1 RUB Rusiya rublu
    0.0208
  • 1 TRY Türkiyə lirəsi
    0.2616
  • 1 GBP İngiltərə funt sterlinqi
    1.9547

Yaranmasının 106-cı ildönümündə Azərbaycan Silahlı Qüvvələrinin hər bir nümayəndəsi bu günü qalib, müzəffər, şanlı ordunun əsgər və zabitləri kimi qeyd edir. Şübhəsiz ki, Ali Baş  Komandan İlham Əliyevin rəhbərliyi altında Vətən müharibəsində qazanılmış şanlı qələbə  Azərbaycanın tarixinin ən şanlı səhifələrindən biridir. Dövlətçilk tariximizdə öz ərazi bütövlüyü və suverenliyini tam təmin etmiş müzəffər ordumuz başımızı uca edərək bizi qalib xalqa çevirdi. Azərbaycanın Silahlı Qüvvələri tarixində heç vaxt indiki qədər güclü olmayıb. Təbii ki, bunun əsasında dövlətimizin orduya olan xüsusi diqqəti və qayğısı dayanır. Azərbaycan Ordusu sübut etdi ki, dünyanın ən güclü ordularındandır. Ulu öndər Heydər Əliyevin dediyi kimi “Müstəqillik dövründə qazandığımız ən mühüm nailiyyətlərdən biri milli odumuzun yaradılması olmuşdur.” Təsadüfi deyil ki, Vətən müharibəsində tətbiq olunan hərbi strategiya və taktikalar dünyanın ən güclü ordularına malik dövlətlər tərəfindən də maraqla qarşılanıb və Ordumuzun 44 günlük müharibə təcrübəsi hərbi mərkəzlər, hətta NATO səviyyəsində öyrənilir.

Bu fikirləri saytımıza açıqlamasında Milli Məclisin üzvü Tamam Cəfərova deyib.

Deputat bildirib ki, milli ordumuzun inkişaf tarixi Ulu Öndər Heydər Əliyevin adı ilə bağlıdır. Xalq Cümhuriyyəti süqut etdikdən sonra ölkəmizdə ordu quruculuğu prosesi dayandı. Beləki, Azərbaycan Xalq Cümhuriyyəti cəmi 23 ay yaşamasına baxmayaraq, ölkədə ordu quruculuğu sahəsində əhəmiyyətli addımlar ata bilib. Təəssüf ki, AXC-nin süqut etməsi nəticəsində ordu quruculuğu sahəsində görülən işlər də yarımçıq qalıb. Yalnız Ulu Öndər Heydər Əliyevin 1969-cu ildə hakimiyyətə gəlişindən sonra onun müstəsna xidmətləri sayəsində ölkəmizdə hərbi kadrların hazırlanması prosesi başlandı. Ümummilli Lider Heydər Əliyevin rəhbərliyi ilə ordu quruculuğu sahəsində aparılan işlər ölkəmizdə mütəşəkkil, qüdrətli ordu yaratmağa imkan verdi, onun gələcəkdə daha da möhkəmlənməsi üçün əsaslı zəmin yaratdı. Heydər Əliyev 1971-ci ildə böyük zəhmətlər bahasına Azərbaycanda hərbi kadrlar hazırlayan məktəbin – görkəmli sərkərdə Cəmşid Naxçıvanskinin adını daşıyan hərbi liseyin yaradılmasına nail oldu. Əlbəttə, SSRİ hakimiyyəti belə mühüm  bir məsələ qarşısında laqeyd qala bilməzdi. Moskvadan Bakıya belə bir məktəbin açılmasına ehtiyac olmadığını əsaslandırmağa çalışan  komissiyalar göndərilməsinə baxmayaraq, Ulu Öndər Heydər Əliyevin mahir diplomatiyası və uzaqgörən siyasəti bütün bu cəhdlərin qarşsını ala bildi. Bu məktəbin fəaliyyəti Azərbaycanda hərb sənətinə marağın güclənməsinə, azərbaycanlı zabit kadrların hazırlanmasına gətirib çıxarmışdı. Təsadüfi deyil ki, C.Naxçıvanski adına Hərbi Lisey Azərbaycan müstəqilliyini bərpa edəndən sonra ordu quruculuğunda əsas bazalardan birinə çevrildi. Ulu Öndər Heydər Əliyevin sayəsində azərbaycanlı gənclərin Bakı Ali Birləşmiş Komandanlıq və Bakı Ali Hərbi Dənizçilik məktəblərində oxuması, eləcə də SSRİ-nin digər hərbi məktəblərinə güzəştli şərtlərlə qəbul olunması  mümkün oldu.

Heç təsadüfi deyil ki, müstəqillik illərində də ordu quculuğu sahəsində  həyata keçirilmiş işlər Ulu Öndər Heydər Əliyevin adı ilə bağlıdır. 1993-cü ilin yayında Ümummilli Lider Heydər Əliyevin xalqın tələbi ilə hakimiyyətə qayıdışından sonra ordu quruculuğu istiqamətində mühüm addımlar atıldı. 1990-cı illərin ortalarından başlayaraq Azərbaycanın NATO ilə sıx və səmərəli əməkdaşlığı ordu quruculuğu prosesinin təkmilləşdirilməsinə, Silahlı Qüvvələrimizin modernləşdirilməsinə, müasir standartlara uyğunlaşdırılmasına səbəb oldu.

T.Cəfərova qeyd edib ki, ordu quruculuğu sahəsində Ulu Öndər Heydər Əliyev tərəfindən həyata keçirilən qətiyyətli və uzaqgörən siyasət Prezident, Ali Baş Komandan İlham Əliyev tərəfindən uğurla davam etdirilir. Beləki, Azərbaycanın hərbi qüdrətinin artırılması dövlət siyasətinin prioritet istiqamətlərindən biridir. Müstəqil Azərbaycanda ordu quruculuğu prosesi Prezident İlham Əliyevin hakimiyyəti dövründə tamamilə yeni mərhələyə qədəm qoydu. Prezident, Ali Baş Komandan İlham Əliyevin diqqət və qayğısı sayəsində hərbçilərin peşəkarlığının artırılması, şəxsi heyətin döyüş ruhunun və mənəvi-psixoloji hazırlığının yüksəldilməsi, Silahlı Qüvvələrimizin ən müasir silah və texnika ilə təchizatı daim ön planda saxlanıldı. Məhz Prezident İlham Əliyevin bu ali diqqət və qayğısı sayəsində Azərbaycan Silahlı Qüvvələri qısa müddətdə regionun ən qüdrətli ordusuna çevrildi. Təsadüfi deyil ki, nüfuzlu “Global Fire Power” mərkəzinin 55 göstərici əsasında hazırladığı hesabatda Azərbaycan Ordusu Cənubi Qafqazda birinci, dünyada ilk əlli ordu sırasında yer aldı. Prezident İlham Əliyevin sərəncamı ilə Azərbaycanda hərbi sənaye kompleksi də yaradılıb. Azərbaycanda mindən çox hərbi təyinatlı məhsul istehsal edilir. Dünyanın aparıcı beynəlxalq sərgilərində Azərbaycanın hərbi məhsulları nümayiş olunur. Bu cür nailiyyətlər Azərbaycana öz ordusunu zəruri silah, sursat və texnika ilə təchiz etmək üçün əvəzsiz imkanlar yaradıb. Milli Ordunun müdafiə qüdrətinin və döyüş qabiliyyətinin artırılması, maddi-texniki təchizatının yaxşılaşdırılması daim diqqət mərkəzindədir. Azərbaycanda son illərdə formalaşan və dinamik inkişaf edən hərbi sənaye hesabına müxtəlif növ hərbi texnika, zirehli maşınlar, pilotsuz uçuş aparatları, atıcı silahlar istehsal olunur. Azərbaycan öz zavodlarında istehsal etdiyi hərbi təyinatlı məhsullarla Ordumuzu əhəmiyyətli dərəcədə təchiz edə bilir. Silah və hərbi texnikaların satın alınması və hərbi məhsulların istehsalına dair bir sıra ölkələrlə müqavilələr imzalanaraq hərbi əməkdaşlıq əlaqələri genişləndirilib. Komando Qüvvələrinin yaradılması Ordunun döyüş qabiliyyətinin artırılması üçün önəmli amillərdən biridir. 2023-cü ilin 23 iyun tarixində Prezident İlham Əliyev, Silahlı Qüvvələrin Ali Baş Komandanı Müdafiə Nazirliyinin komando hərbi hissələrinin birində yaradılan şəraitlə tanış olub, hərbi hissəyə Döyüş bayrağını təqdim edib. Dövlət Sərhəd Xidməti, Daxili Qoşunlar, Dövlət Təhlükəsizliyi Xidməti, Xarici Kəşfiyyat Xidməti - bu qurumların xüsusi təyinatlı qüvvələrinin sayı İkinci Qarabağ Müharibəsindən sonra dəfələrlə artırılıb.

Tamam Cəfərova vurğulayıb ki, Vətən müharibəsində və antiterror tədbirlərində qazanılan  qələbələr Xalq-Ordu birliyi sayəsində əldə olunmuşdur. Dəmir Yumruq birliyimizin rəmzidir. Azərbaycan xalqı yumruq kimi birləşib. Bu birlik əbədi olacaq. Bu birlik gələcəkdə də bütün vəzifələri icra etmək üçün imkan yaradacaq. Dövlətin gücü Azərbaycan xalqının dəstəyindədir.

Sonda millət vəkili bildirib ki, Azərbaycan xalqını Silahlı Qüvvələr Günü münasibətilə təbrik edir, bu qüruru bizlərə yaşadan şəhidlərimizi rəhmət və ehtiramla yad edir, qazilərimizə və eləcə də ordumuzun bütün  əsgər və zabitlərinə sağlam, firavan ömür arzulayıram.

 

Son xəbərlər

Xəzər dənizi türk dənizidir, mavi Vətənin bir hissəsidir

"Bu gün Azərbaycanın enerji sahəsində əldə etdiyi uğurlar göz qabağındadır"

Xaçmaz rayon Peşə Məktəbində korrupsiya ilə mübarizəyə həsr olunmuş tədbir keçirilib— FOTOLAR

Bakıda "Unudulmuş sənətkarlığın, reseptlərin Tarixi abidələr milli kimliyimizin bərpası" sərgisinin açılışı olacaq

İctimai Şura "Mili Mətbuat Günü"nə həsr olunmuş tədbir keçirib

ARMQTİB üzvləri Milli Qəhrəman Natiq Qasımovun anası ilə görüşüblər

Kitabxanada inklüziv mühitin yaradılması İşi davam edir

Zərdabi ənənələrini qoruyan Azərbaycan mətbuatı

Təbiət Abidələri Ağaclar

“Şair Əli Kərim yaradıcılığının təbliği” layihəsinin ikinci mərhələsi icra olunub

Azərbaycanla Pakistan arasında qardaşlıq münasibətlərinin bünövrəsi

Vəsimə İsmayılqızı: “Heydər Əliyevin vətən səfərləri” çoxcildliyi Ulu Öndərin xatirəsinə bir hədiyyədir"

"Pakistan Azərbaycana dəstəyini açıq mətnlə nümayiş etdirmişdir"

“14 iyul – müasir Azərbaycan tarixinin dönüş mərhələsidir

ADPU-nun Quba filialında korrupsiya ilə mübarizəyə həsr olunmuş tədbir keçirilib - FOTOLAR

Bəzi qüvvələr sosial mediada Azərbaycana qarşı birləşib - Akif Qasımov

“Azərbaycanda çoxdilliliyin qorunması” adlı videoçarx hazırlandı

Sabiq millət vəkili Cahangir Hüseyn Əfşar Məsud Pezeşkiana təbrik məktubu göndərib

Avropanın nüfuzlu QHT-ləri COP29-a dəstək çağrışları ediblər

Türk dövlətləri güclərini birləşdirir

“İnklüziv Təhsil Səfirləri” layihəsinin təlim mərhələsi uğurla başa çatıb

Türk Dünyasının yeni Yol Xəritəsi

Astanada Azərbaycanın COP29-u uğurla keçirəcəyinə əminlik ifadə olunub

Tamam Cəfərova: "Azərbaycan və ŞƏT arasında münasibətlər qarşılıqlıdır"

İrandakı seçkilərlə bağlı Beynəlxalq Diaspora Mərkəzinin Bəyanatı

Azərbaycanın Milli Qəhrəmanın adına idman klubu açılıb

Cibə və təbiətə ziyan: Avtomobilləri qısa məsafələrə sürmək niyə problem yaradır?

Uşaq yazıçısı Gülzar İbrahimovanın yeni kitabının təqdimatı keçirildi

Belarusdakı azərbaycanlılar Dövlət Komitəsini təbrik ediblər

“Ümumi təhsil müəssisələrində təhsil alanların qida təhlükəsizliyi barədə maarifləndirilməsi” layihəsi başa çatıb

Bütün xəbərlər