“Ermənistan bütün vasitələrə əl ataraq 10 noyabr üçtərəfli Bəyanatının şətlərini pozmağa çalışır. Ermənistan üçün bu sənəddə qeyd edilənlərin icra olunması şərtdir. Çünki Ermənistan bu sənədi imzalamaqla öz üzərinə beynəlxalq öhdəlik götürüb və onun yerinə yetirilməsi mütləqdir. Lakin Ermənistan təcavüzkar siyasətini davam etdirərək sentyabrın 12-də yenidən sərhəddə təxribatlar törətdi. Belə ki, Azərbaycan Ordusunun Daşkəsən, Kəlbəcər və Laçın rayonları ərazisindəki mövqeləri Ermənistan tərəfindən müxtəlif çaplı silahlar, minaatanlardan intensiv atəşə tutulub”. Bu fikirləri Yeni Azərbaycan Partiyasının İdarə Heyətinin üzvü, politoloq Asif Əsgərli saytımıza açıqlamasında bildirib. 

Asif Əsgərli deyib ki, Ermənistan bununla sülh danşıqlarının normallaşması prosesini də pozdu: “Ermənistanın etdiyi hər hansı təxribat onlara baha başa gəlir. Azərbaycan öz suveren hüquqlarını, ərazi bütövlüyünü qoruyur. Ermənistan tərəfinə layiqli cavab verilib, ölkəmizin ərazisinə və suverenliyinə qarşı hərbi təhlükələrin qarşısı alınıb. Azərbaycan nə qədər Ermənistanı sülhə çəkməyə çalışsa da, bu ölkə təxribatla atekvat cavab verir. Buna görə də baş vermiş son təxribat və itkilərə görə Ermənistan hərbi-siyasi rəhbərliyi məsuliyyət daşıyır. Təəssüf ki,  Ermənistanın bu təxribatlarının qarşısının alınması və regionda dayanıqlı sülh şəraitinin yaranması üçün beynəlxalq birlik yenə də səssisiz qalıb”. 
Politoloqun sözlərinə görə, bu kimi təxribatlar Ermənistanın baş naziri Nikol Paşinyanın siyasi hakimiyyətinin sonunu daha da yaxınlaşdırır: “Artıq Ermənistanda siyasi vəziyyət gərginləşib. Paşinyanın ötən gün paralmentdəki gözlənilməz qərarı əhalini daha da həyəcanlandırıb. Eyni zamanda Xankəndində də Paşinyana qarşı mitinqlər keçirilməkdədir. Lakin, o, dünən xalqın etirazından qorxaraq qərarını təkzib etdi və məsuliyyətədən yayındı. Yəni bir gündə Paşinyan iki dəfə qərar dəyişdi. Artıq Paşinyan Azərbaycanının əks-hücum həmlələrinindən ehtiyat edərək Kollektiv Təhlükəsizlik Müqaviləsi Təşkilatına müraciət edib. Hətta, Paşinyan sentyabrın 13-də KTMT-ının videokonfrans vasitəsilə keçirilən növbədənkənar sessiyasında hərbi çəhətdən zəifliyini, delimitləşdirilməmiş sərhədin qeyri-qanuni minalanmasını etiraf edib. Bütün bunlar da onun siyasi çəhətən qorxaq olduğunu, Ermənsitanın məğlubiyyətini bir daha göstərir.  Görünür, ölkdəki bu siyasi etirazlar Paşinyan üçün heç də müsbət sonluqla nəticələnməyəcək.  
Ermənistanın Azərbaycan torpaqlarının suverenliyini tanmaqdan başqa yolu yoxdur. Əsk halda döyüş meydanında məğlub olan Ermənistan siyasi olaraq da bataqlığa sürklənəcək”.