Səadət Məhərrəmova: "Erməni lobbisi Qarabağda sülhün əldə olunmaması üçün bütün vasitələrə əl atır"

"Ermənistan dövləti kimi, erməni lobbisi də sülh istəmir. Əslində, Ermənistanı sülh razılaşmasına elə erməni lobbisi imkan vermir. Çünki Ermənistan dövləti, xüsusən Qarabağdakı separatçı qurum məhz erməni lobbisinin hesabına ayaqdadır. Buna görə də bir növ Ermənistan dövləti erməni lobbisindən asılı vəziyyətdədir". Bu fikirləri saytımıza Korrupsiyaya Qarşı Mübarizə Mərkəzi İctimai Birliyinin sədri Səadət Məhərrəmova bildirib.

Səadət Məhərrəmova deyib ki, erməni lobbisi Qarabağda sülhün əldə olunmaması üçün bütün vasitələrə əl atır: "Radikal ekstermist erməni qrupları 13 sentyabrda Ermənistanın təxribatlarındadan sonra öz ənənələrinə sadiq qalaraq yenə də xaricdə azərbaycanlılara, əsasən də səfirliklərimizə hücumlar edirlər. Hətta bəzi ölkələrdə, məsələn Livanda hücumlar bir neçə dəfə təkrar olunub. Bu hücumlar zamanı səfirliklərimzin binasına maddi ziyan dəyib, diplomatik nümayəndəliklərin fəaliyyətinə və əməkdaşların həyatlarına təhlükə yaradılıb. Xüsusən Fransadakı səfirliyimizə qarşı erməni vandalları daha dağıdıcı hücum ediblər. Hətta dəmir maneələri qıraraq binaya daxil olmağa çalışıblar. Qəribədir ki, Fransa polisi onlara müdaxilə etməyib. Belə dağıdıcı tədbirləri ermənilər icazəsiz edir və Fransa qanunlarını kobud şəkildə pozurlar. Fransa polisi isə həmişəki kimi öz laqeydliyini, ermənipətəstliyini göstərib. Artıq Fransanın Azərbaycandakı səfiri Zakari Qros Xarici İşlər Nazirliyinə çağırılıb və Fransa tərəfininin üzərinə düşən öhdəliyi yerinə yetirmədiyinə görə təəssüf ifadə olunub".
QHT sədri bildirib ki, artıq xaricdəki digər diplomatik qurumlarda erməni vandallarına qarşı lazımi önləyici tədbirlər görülüb: "Bütün bunlar bir da erməni diasporunun simasını göstərir. Təxribatçılıq nəinki Ermənistan dövlətinə, erməni diasporuna da xas olan xüsusiyyətdir".