Nikol Paşinyan və Vladimir Putin "MDB məkanındakı münaqişələr, eləcə də Rusiya-Ukrayna müharibəsi SSRİ-nin dağılmasının nəticələridir". Bu barədə Rusiya Prezidenti Vladimir Putin çıxışı zamanı deyib. O, hesab edir ki, Qərb MDB məkanında yeni münaqişələrin qızışdırılması ssenariləri üzərində işləyir, bütün Asiya-Sakit okean regionunda risklər artır. Həqiqətənmi, SSRİ dağıldığı üçün belə münaqişələr baş verir?

“Rusiya prezidenti Vladimir Putin və digər Rusiya dövlət rəsmiləri öz bəyanatlarında belə münaqişələrin SSRİ-nin dağılmasından sonra yarandığını deyirıər. “Yəni SSRİ dağıldı deyə belə münaqişələr davam edir”, deyirlər. Ancaq reallıq isə budur ki, bu münaqişələr SSRİ dağıldıqdan sonra deyil, elə SSRİ mövcud olduğu dövrdə də var idi. İstər Ermənistan-Azərbaycan arasında, istər Ukrayna-Rusiya, Moldova və Dnestryanı zonalar, Gürcüstanda Abxaziya və Azərbaycanın tarixi torpaqları Qarabağ ətrafında yaranan süni problemlər və erməni köçürmələri, məhz elə SSRİ vaxtında başlamışdı. Bu münaqişələr hələ də bir çox dövlətlərdə qalmaqdadır”.

“Xeber7" məlumat verir ki, bu barədə Bizimyol.info xəbər portalına politoloq Ramiz Alıyev danışıb. O, qeyd edib ki, Azərbaycan Qarabağla bağlı məsələdə barışcıl mövqe sərgilədi və öz tarixi torpaqlarını düşmənlərdən təmizləyərək, azad etdi.

Politoloq hesab edir ki, bu münaqişələr digər 3,4,5-ci dövlətlərin təsiri ilə yaradılır. Eyni zamanda həmin dövlətlərin təsir dairəsində olur və sanki həmin dövlətlər belə münaqişələrin olmasını istəyirlər ki, regionda müəyyən hökmranlığı əllərində saxlaya bilsinlər.

“Məqsəd, region dövlətləri üzərində öz təsirlərini qoruyub saxlasınlar. Bu gün həmin Qarabağ problemi ilə bağlı dövlətlərin bəziləri hələ də Ermənistanı maşa kimi istifadə edir. Bundan öz maraqları çərçivəsində yararlanırlar” - deyə politoloq əlavə edib.

Ramiz Alıyev qeyd edir ki, əslində belə münaqişələr təkcə keçmiş SSRİ sərhədləri daxilində deyil bütün ölkələrdə var. Belə münaqişələrin yaradılması böyük güc sahibi olan dövlətlərin nəzarəti ilə olur. 1918-ci ildə və 1905-ci ildə ermənilərin azərbaycanlılara qarşı barışmaz və sərt mövqeyi var idi. Əsrlərboyu bu davam edib.

Politoloq hesab edir ki, bu cür təxribatlar və münaqişələr erməniləri maşa kimi istifadə edən dövlətlərin təsirindəndir.

“Ermənilər qorxaq bir xalqdır. Onlar xarici güclərin, böyük dövlətlərin dəstəyi olmadan heç bir addım atmayıblar tarixboyu. Tarixi bilənlər yaxşı bilir ki, ermənilər bütün dövrlərdə xarici ölkələrin ümumiyyətlə maşası rolunda çıxış etmişdir. Xarici dövlətlərin maşası kimi öz təxribatlarını, terror hadisələrini törədiblər. Ermənilərə aid olan terror təşkilatları kifayət qədər çoxdur. Həmin terror təşkilatları da məhz həmin güc sahibi olan bəzi dövlətlərin əsəridir” - deyə politoloq qeyd edib.

İradə Cəlil, Bizimyol.info