Cari ilin 30 centyabr- 1 oktyabr tarixlərində Azərbaycan Respubkasının Prezidenti İlıham Əliyev Bolqarıstanda rəsmi səfərdə olmuş və çıxış etmişdir. Qeyd edilmişdir ki,  hazırki vəziyyətdə Bolqarıstan və Azərbaycan iki dost və strateji tərəfdaş ölkələr kimi bir-biri ilə daha sıx əlaqədədirlər. 2015-ci ildə Bolqarıstanla Azərbaycan arasında imzalanmış strateji tərəfdaşlıq haqqında Birgə Bəyannamə əməkdaşlığımızın davamlılığını təmin edib və əlaqələrimizi yüksək səviyyəyə qaldırmışdır. 

Azərbaycanla Bolqarstan arasındakı siyasi əlaqələr davamlı olaraq inkişaf edir. Indiyə qədər nazirlər səviyyəsində çoxsaylı görüşlər keçirilmişdir. Nəzərdə tutulub ki, enerji təhlükəsizliyi sahəsində əlavə addımlar atılsın. Məlum olduğu kimi, enerji təhlükəsizliyi məsələləri bütün dövrlərdə mühüm əhəmiyyət kəsb edir, ancaq indiki şəraitdə bu əhəmiyyət ikiqat artmışdır. Artıq Azərbaycan qazı  Bolqarıstandadır və ixrac ediləcək Azərbaycan qazının həcminin artırılması nəzərdə tutulmuşdur.
Bütün dünya dövlətlərinə bəllidir ki, Azərbaycan uzun illərdir etibarlı tərəfdaş kimi xam neftini dünya və Avropa bazarlarına ixrac edir. Azərbaycan əlindən gələni edirik ki, qaz hasilatını artıraraq öz tərəfdaşlarını təbii qazla təminat səviyyəsini yüksəltsin.  
Yeni Yunanıstan-Bolqarıstan Qaz İnterkonnektoru layihəsi tarixi əhəmiyyətə malikdir. Bu interkonnektor həm Azərbaycan qazının Avropaya daha geniş miqyasda nəql olunmasına imkan verəcək, eyni zamanda, Avropa qitəsində enerji təhlükəsizliyinə də çox böyük faydası olacaqdır. Avropa İttifaqı ilə Azərbaycan arasında imzalanmış enerji sahəsində strateji tərəfdaşlıq haqqında Memorandumunun böyük əhəmiyyəti vardır. Memoranduma əsasən, növbəti bir neçə ildə Azərbaycan Avropaya qaz ixracatını ən azı 2 dəfə artıracaqdır.
Məlumdur ki, Azərbaycanın təsdiq edilmiş qaz ehtiyatları 2,6 trilyon kubmetrdir. Yeni və çoxşaxəli qaz nəqliyyat infrastrukturu bizə imkan verir ki, bir çox ölkələri təbii qazla təmin edək. Bu sahədə əldə edilmiş uğurlar gələcək planlar üçün də gözəl bir əsasdır.
Prezident demişdir: “SOCAR-ın Bolqarıstandakı ofisinin açılması vaxtı çatıb. Enerji sahəsində təkcə təbii qazın ixracı ilə işimizi bitmiş hesab etməməliyik. Elektrik enerjisinin ixracı və bu sahədə qarşılıqlı faydalı əməkdaşlıq, xam neftin Bolqarıstan istiqamətinə nəqli, habelə Bolqarıstanda enerji infrastrukturunun yenilənməsində SOCAR-ın imkanlarından istifadə olunacaqdır”. 
Dünyada formalaşan yeni geosiyasi vəziyyəti nəzərə alaraq nəqliyyat təhlükəsizliyinin təmin olunması çox önəmli bir məsələdir. Bu məqsədlə Azərbaycan öz ərazisində çox müasir nəqliyyat infrastrukturu - dəmir yolları, avtomobil yolları, yeni Beynəlxalq Dəniz Ticarət Limanı yaratmışdır. Bütün bu infrastruktur obyektləri bir məqsədi güdür ki, Azərbaycan keçəcək tranzit yüklərin həcmi artsın. Cari ildə tranzit yüklərin həcmi təqribən 50 faizə yaxın artmışdır. Gələcəkdə bu rəqəm daha da böyük olacaqdır. Ona görə də Bolqarıstan və Azərbaycan nəqliyyatçıları indidən bir araya gələrək uzunmüddətli və genişmiqyaslı gələcək əməkdaşlıq haqqında fikir mübadiləsi aparmalıdırlar.
Azərbaycanda iqtisadiyyat və investisiya sahələrində əməkdaşlığın dərinləşməsi üçün çox böyük imkanlar mövcuddur. Bolqarıstan şirkətləri Azərbaycanda işğaldan azad olunmuş torpaqlarda iş görmək üçün dəvət olunacaq ki, bu da yeni imkanların yaranması deməkdir. 

Qasımov Səyavuş Kamran oğlu, 
Avrasiya Universitetinin Beynəlxalq əlaqələr üzrə prorektoru, siyasi elmlər üzrə fəlsəfə doktoru, dosent