İctimai birliklər əməkdaşlıq memorandumu imzaladılar

Noyabrın 7-də “Reklam və Marketinq Sahəsinin İnkişafına Dəstək” İctimai Birliyinin İdarə Heyətinin sədri Xəyalə Mütəllimova və “İnkişafa Doğru” İmkansız Ailələrə Sosial Yardım və Hüquqi Maarifləndirmə İctimai Birliyinin İdarə Heyətinin sədri Zöhrə Həsənova arasında əməkdaşlıq memorandumu imzalanıb.

Bu memorandumun imzalanmasında əsas məqsəd aztəminatlı ailələrin hüquqlarını qorumaq, onlara təhsil, səhiyyə və digər vacib xidmətlərə əlçatanlığı təmin etməklə sosial-iqtisadi inkişaf proseslərinə dəstək verməkdir.

Görüşdə RMİD-in İdarə Heyətinin sədr müavini Afət İsmayılova, İdarə Heyətinin üzvləri Dadaş Hüseynzadə, Rüstəm Əliyev, Mətanət Ağamirli, “Artmood Agency” MMC-nin İcraçı katibi Aytən Ələkbərova, İNDO-nun təsisçisi Akifə Mövsümova, İcraçı direktor Cahangir Qasımov və İNDO üzvləri Bəhriyə Həsənova, Sevinc Abdullayeva iştirak ediblər.