Mayın 15-də UNEC nəzdində Sosial-İqtisadi Kollec, Inclusive Organization Company və Ümidlə Gəl Xeyriyyə Layihəsinin birgə təşkilatçılığı ilə  “Əngəlsiz Sabahlar” inklüziv təhsil və sosial inkişaf seminarı keçirilib.
Seminar çərçivəsində inklüziv yanaşmanın təhsil sistemində tətbiqi, innovativ ixtisas modellərinin yaradılması və gələcək perspektivlərin elmi-praktik aspektləri müzakirə olundu. Spikerlərimiz Azərbaycan Dövlət İqtisad Universitetinin nəzdində Sosial-İqtisadi Kollecinin direktoru professor Mübariz Hacıbəyov, Ümidlə gəl Xeyriyyə layhiyəsinin rəhbəri Hacı Quliyev, İnclusive Organization Company'nin təsisçi və rəhbər İbrahim Məmmədov, Pedaqoq, beynəlxalq təlimçi Ülviyyə Hüseynli, “Tərəqqi” Sosial-İqtisadi Araşdırmalar İctimai Birliyinin sədr müavini Fərid Mustafayev mövzu ətrafında verilən sualları cavablandırdı, həmçinin gələcəkdə görüləcək işlərlə bağlı tələbələri məlumatlandırdılar.