Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə Azərbaycan Maarifçi Xeyrxah Xanımlar İctimai Birliyi “İmkansəz, yaşlı, tənha, xəstə və əlilliyi olan şəxslərin sosial problemlərinin həllinə təşəbbüs” adlı layihənin icrasına başlayıb. 

Layihənin müddəti 3 aydır.

Layihənin ideyası  imkansız, yaşlı, tənha, xəstə  və  əlilliyi olan   şəxslərin sosial şəraitlərinin yaxşılaşdırılmasından, xəstə,  ahıl və uşaqların müayinəsinin və onlara sosial xidmətlərin  təşkil edilməsindən ibarətdir. Məqsəd bu kateqoriyadan olan insanların sosial problemlərinin həllində kömək göstərməklə onlara  mənəvi dəstək olmaqdır. Eyni zamanda xeyriyyəçilik ənənələrini gücləndirməklə cəmiyyətin diqqətini bu kateqoriyadan olan insanların problemlərinə yönəltməkdir.

Layihə çərçivəsində fiziki cəhətdən hərəkət etmək imkanı olmayan qoca, tənha və kimsəsizlərə evdə tibbi müayinənin və  müalicənin  təmin olunmasına, gündəlik ev işlərinin  görülməsinə və onların  gigiyenik  tələbatlarının ödənilməsi üçün sosial təminat  şöbəsinə müraciət  edərək  sosial işçilər cəlb ediləcəkdir.

  Tibbi müayinəni həyata keçirən həkim heyəti könüllü olaraq fəaliyyət göstərəcəkdir.

Hüquqi problemlərlə üzləşən ahıl, qoca, kimsəsiz və tənha insanlara problemlərin həllində  yardım  da ediləcəkdir.