Bakı şəhər Yasamal rayon Mərkəzləşdirilmiş Kitabxana Sisteminin  (MKS) M.Ş.Vazeh adına Mərkəzi Kitabxanasının Fəxri oxucusu Qərbi Azərbaycan İcması Qadınlar Şurasının üzvü, Qarakilsə rayonu Səki kənd İcmasının sədri, Azərbaycan Yazıçılar Birliyinin, Azərbaycan Jurnalistlər Birliyinin üzvü, şair-publisist, Prezident mükafatçısı, Ombudsman Aparatının əməkdaşı Azadə Novruzova Fəxri Fərmanla təltif ediib.

Azadə Novruzova tanınmış şair, publisist və tədqiqatçıdır. O, şeirlər, esselər, sənədli povestlər və həmçinin tarixi-hərbi mövzulu əsərlərin müəllifidir. Azadə Novruzova 20-dən çox kitabın tərtibçisi və redaktoru olmaqla yanaşı, “Ovunmayan həsrət”, “Sən mənim ağ kitabım” adlı bədii əsərlərin və 200-dən çox elmi-publisistik məqalənin müəllifidir. Bir çox şeir və esseləri ingilis və rus dillərinə tərcümə edilib.

Azadə Novruzova Qərbi Azərbaycan İcması İdarə Heyətinin sədri, Millət vəkili Əziz Ələkbərli tərəfindən Qərbi Azərbaycan İcmasının strateji məqsədlərinin həyata keçirilməsi, Qərbi Azərbaycanlıların təskilatlanması, Qərbi Azərbaycan həqiqətlərinin təbliği istiqamətində xidmətlərinə görə və yubileyi münasibəti ilə Fəxri fərmanla təltif olunub.