2026-cı ildə “Respublika Xatirə Kitabı”nın 30 illik yubileyi tamam olur.
Bununla əlaqədər “Şəhidlər ölməz, Vətən bölünməz!” tədbirlər silsiləsi
çərçivəsində “Respublika Xatirə Kitabı – 30” adlı iki videoçarx hazırlanıb.
Videoçarxlarda Ümummilli Lider Heydər Əliyevin, Azərbaycan
Respublikasının Prezidenti İlham Əliyevin və Birinci vitse-prezident Mehriban
Əliyevanın şəhidlərimiz, onların əziz xatirəsi və Vətən müdafiəsi haqqında
söylədikləri dəyərli fikirləri öz əksini tapıb.
Birinci videoçarxda “Respublika Xatirə Kitabı” redaksiyasının yaranma
və inkişaf tarixi diqqətə çatdırılır. Bildirilir ki, 1991-ci ildən müstəqil qurum kimi
fəaliyyətə başlayan redaksiyanın işində əsas dönüş müasir Azərbaycan
dövlətinin qurucusu, Ümummilli Lider Heydər Əliyevin diqqət və qayğısı
nəticəsində olmuşdur. Redaksiya öz fəaliyyətində Ulu Öndər Heydər Əliyev
tərəfindən 1997-ci il 23 dekabr tarixində imzalanmış “Vətən uğrunda həlak
olanların xatirəsinin əbədiləşdirilməsi haqqında” Azərbaycan Respublikasının
Qanununu rəhbər tutur. Ümummilli Liderimizin “Respublika Xatirə Kitabı”na
göstərdiyi xüsusi diqqət və qayğı vurğulanır.
Videoçarxda “Respublika Xatirə Kitabı”nın yaranma tarixi haqqında
qısa məlumat verilir. Qeyd olunur ki, yaranan vaxtdan “Respublika Xatirə
Kitabı” Milli Ensiklopediya nəzdində fəaliyyət göstərib.
2016-cı ildən Mədəniyyət Nazirliyinin tabeliyinə keçib. Redaksiya İkinci
Dünya müharibəsi, lokal hərbi münaqişələr, 44 günlük Vətən müharibəsi,
Aprel döyüşləri, Tovuz hadisələri və 23 saat 43 dəqiqə davam edən antiterror
əməliyyatı zamanı şəhid olan, itkin düşən və əsir-girov götürülən
vətəndaşlarımız haqqında dəqiq ensiklopedik məlumatları özündə əks etdirən
28 cilddən çox kitab nəşr edib.
İkinci videoçarxda igid şəhidlər, onların şücaəti, 44 günlük Vətən
müharibəsində qəhrəmanlıq göstərən şəhid əsgər və zabitlərimizə həsr
olunan nəşrlər haqqında məlumat verilir. S özügedən nəşrlərin
respublikamızın müxtəlif şəhər və rayonlarında, o cümlədən Bakı, Naxçıvan,
Şuşa, Gəncə, Mingəçevir, Şirvan, Quba, Sumqayıt, Şamaxı, Biləsuvar və
digər bölgələrdə keçirilən təntənəli təqdimat mərasimlərinin qısa xronikası
verilir.
Yerli icra hakimiyyəti orqanları, regional mədəniyyət idarələri və digər
dövlət qurumları ilə əməkdaşlıq çərçivəsində təşkil edilən tədbirlərdə şəhid
ailələrinə, qazilərə və ziyalılara təqdim olunan kitabların mənəvi əhəmiyyəti
vurğulanır.
“Heydər Əliyev Xatirə kitabının yaradıcısıdır” kitabı və Vətən
müharibəsi qəhrəmanlarına həsr edilən xatirə nəşrlərinin cəmiyyətin, xüsusilə

gənc nəslin vətənpərvərlik ruhunda tərbiyə olunmasındakı mühüm rolu önə
çəkilir.
Videoçarxların ideya müəllifi tarixçi-alim, Fəxri mədəniyyət işçisi Lətifə
Məmmədova, mətnlərin redaktoru “Respublika Xatirə Kitabı”nın baş redaktoru
Nəzakət Məmmədovadır. Videoçarxları M.Ş.Vazeh adına Mərkəzi
Kitabxananın əməkdaşı Günay Qululu hazırlamışdır.
Videoçarxlar kitabxananın YouTube kanalında aşağıdakı keçidlərdə
yerləşdirilib: