Reklamdan 6,5 milyon qazanmaq istədi, ona uduzdu
Bir bankın yeni siması olmaq üçün 6,5 milyon TL istəyən aktrisa Demet Özdemir sövdələşməni 4,5 milyon TL-yə “hə” deyən həmkarı Burcu Biricikə uduzub.
“Xeber7” “Hürriyet Kelebek”ə istinadən xəbər verir ki, Aslı Enver, Serenay Sarıkaya və Ezgi Moladan sonra Burcu Biricik də bir bankın reklam siması olub. Lakin məlumata görə, bankın ilk seçimi bir neçə gün öncə müğənni Oğuzhan Koça ərə gedən Demet Özdemir olub.
Bir çox markanın seçimi olan Özdemir bankdan 6,5 milyon lirə istədiyi üçün bu iş alınmayıb. Daha sonra isə bank ötən mövsüm “Kanal D”də yayımlanan “Camdaki Kız”la damğasını vuran Burcu Biricikə ortaqlıq təklif edib.
Bildirilir ki, Biricik reklam siması olmaq üçün 4,5 milyon lirə ilə razılaşıb. Reklam çəkilişləri yaxın günlərdə baş tutacaq.
