Ulu Öndər Heydər  Əliyevin 100 illik yubileyi münasibətilə Niderland Krallığının Rotterdam şəhərində tədbir keçirilmişdir.

Tədbir, Azərbaycan Respublikası Diasporla İş uzre Dovlət Komitəsinin dəstəyi , Beniluks Azərbaycanlıları Konqresinin ve Azərbaycan Respublikasinin Niderland Kralligindaki səfirliyinin təşkilatcılığı ilə baş tutmuşdur.

İlk olaraq, tədbir, öz işini Ulu Öndər Heydər Əliyevin, Vətən uğrunda canlarından keçən şəhidlərimizin və müstəqillik uğrunda həyatlarını itirmiş fədailərin xatirəsinin bir dəqiqəlik sükutla yad etməklə başladı.

Sonra, Azərbaycan Respublikası və Niderland Krallığının dövlət himni səsləndi.

Ulu Öndər Heydər Əliyevin Azərbaycan Respublikasının dirçəlişində müstəsna xidmətlərini və dövlətçiliyimizin bərpasında böyük işlərini əks etdirən film nümayiş etdirildi.

Daha sonra söz, Benilüks Azərbaycanlıları Konqresinin sədri Elsevər Məmmədova verildi.

O, Ulu Öndərin Azərbaycan Respublikasının Sovet dönəmindən sonra əsas bərpaçısı və qurucusu olduğunu vurğuladı.  Azərbaycan Milli ordusunun qurulmasında,uzaq görən siyasəti ilə Azərbaycani müasir və güclü ölkəyə çevirə bilməsini qeyd etdi.

Ulu Öndər Heydər Əliyevin bu siyasətini öğlu İlham Əliyev uğurla davam etdirdiyini iştirakçıların nəzərinə çatdırdı.

l Qarabağ müharibəsi zamanı qaçqınlıq yaşayan xalqımızın aqibətinin həlli yollarını arayan Ulu Öndər Heydər Əliyevin ən böyük xidmətlərindən olan əsir və girov götürülmüş şəxslərin geri qaytarılmasında mühüm rolu barədə isə Bakıdan təşrif buyuran qonağımız,

Azərbaycan Respublikası Əsir və itkin düşmüş, girov götürülmüş vətəndaşlarla əlaqədar Dövlət Komissiyası İşçi qrupu rəhbərinin müavini Eldar Səmədov danışdı.

O, 1990-1993 cü illər ərzində Ulu Öndərin Ermənistan tərəfi ilə aparıdığl  danışıqlar vasitəsilə onlarla girov və əsirgötürülmüşlər geri yaytara bildirdiyini dedi. Həmçini,  Sovet dövründən cəzaçəkmə müəssələrində cəza çəkən erməni mənşəli kriminalların Azərbaycanlı əsirlərlə dəyişdirilməsinə nail olduğunu vurğuladı.

Həmçini, Ulu Öndərin Qarabağda şəhid olmuş qəhrəmanlarımızın nəşlərinin münaqişə bölgəsindən çıxarılmasındaki zəhmətini vurğuladı.

Daha sonra söz, Azərbaycan Respublikasının Niderland Krallığındakı səfiri cənab Rəhman Mustafayevə verildi.

Gənc kadr olduğu halda Ulu Öndərlə müstəsna çalışan Cənab Səfir, Azərbaycanın dirçəlişində, o dövrdə xalqımızın qarşısında durmuş iqtisadi və siyasi  böhranın həllində qəbul etdiyi mühüm qərarlar barəsində söhbət açdı.

Ulu Öndər Heydər Əliyevin xarici siyasət prinsiplərin nəzərə çatdıran Səfir Rəhman Mustafayev, bu kursun, indi, onun oğlu Prezident İlham Əliyev tərəfindən uğurla davam etdirdiyini vurğuladı.

Daha sonra Ulu Öndər barədə  ürək sözlərilə Niderlandda yaşayan və fəaliyyət göstərəm görkəmli rəssam Rasim Hüseynov çıxış etdi.

Belçika Niderland Koordinasiyası Şurasının üzvü, Beynəlxalq Qadınlar Klubunun rəhbəri Kəmalə Cəlilova  Ulu Öndər Heydər Əliyev haqqında ürək sözlərini dedi.

Tədbir, Azərbaycan Dövlət filarmoniyasının Mahnı və rəqs ansamblının, Azərbaycan Dövlət Rəqs ansamblının  və Azərbaycan Dövlət Kosert Birliyinin solisti olmuş kaman ustası

İlham Babayevin ifası ilə işinin rəsmi hissəsini  yekunlaşdırdı.

Daha sonra qonaqlar foyedə sərgilənən Ulu Öndər Heydər Əliyevin fotoşəkilləri və tanınmış rəssam Rasim Hüseynovun rəsm əsərlərini seyr etdilər, Ulu Öndər Heydər Əliyevin Həyat və iş prinsipi haqqında fikir mübadiləsi apardılar.

Niderland və Azərbaycan dillərində baş tutan tədbirin qonaqları, Niderlandli iş adamları, Türk, Latviya, Ukrayna, Özbəkistan və digər ölkələrin diaspor üzvləri, həmçini, Niderlandda yaşayan soydaşlarımız və təşkilat üzvləri idilər.

BAK mətbuat katibi,

Gülnarə Əliyeva