BDU-nun Kimya fakultəsi öz məzunları ilə effektiv əlaqələr qurmaq üçün "Məzun Bazası" yaradıb
Bakı Dövlət Universitetinin (BDU) Kimya fakultəsi öz məzunları ilə effektiv əlaqələr qurmaq üçün "Məzun Bazası" yaradıb. Bu barədə BDU-nun Kimya fakultəsinin dekan müavini, kimya üzrə fəlsəfə doktoru Taleh Qəhrəmanov sosial media şəbəkəsindəki hesabında məlumat verib.
"Kimya fakültəsini müxtəlif illərdə bitirmiş məzunlarla sıx əla saxlamaq, onların gələcək karyera fəaliyyətini izləmək ücün fakültəmizin “Məzun Bazası” yaradılmışdır. Bu bazanın yaradılmasında məqsədimiz Sizlərlə məzunu olduğunuz Bakı Dövlət Universitetinin Kimya fakültəsi arasında əlaqələri daha da möhkəmləndirmək, uğurlarınız barədə fakültəmizin tələbə və müəllim kollektivini məlumatlandırmaq, əldə etdiyiniz nailiyyətlərin sevincini sizinlə birgə paylaşmaqdır.
İnanırıq ki, Sizlər “Məzun Bazası”nin formalaşmasında aktiv iştirak edəcək və fakültəmizin öz məzunları ilə sıx əlaqələrinin qurulmasına töhfə verəcəksiniz.
Biz sizin hər birinizi fakültəmizdə yenidən görməyə, irəli sürəcəyiniz faydalı təşəbbüslərə dəstək verməyə şad olarıq. Kimya fakültəsi öz məzunları ilə qürur duyur, hər birinizin uğurunu öz uğurumuz sayırıq".
//docs.google.com/forms/d/1s33c1Z_t9MQSd0qEoF39UiTyhJJCEClGIEOJIK-BlR0/edit