Kanal 20 TV xəbər verir ki, Türkiyə Respublikası Gənclər və İdman Nazirliyinin “Türkiyə-Azərbaycan Gənclər Mübadiləsi” proqramı çərçivəsində Xəzər Universitetinin nümayəndə heyəti Ankaraya səfər edib.

Nümayəndə heyətini Esenboğa hava limanında Gənclər və İdman Nazirliyi Kırşehirin rayon rəhbərliyi qarşılayıb. Proqrama uyğun olaraq axşam ziyafəti verilib. Ziyafətdə Anayasa Məhkəməsi başkan vəkili Kadir Özkaya, Kırşehir İl müdürü Numan Nafiz Şahin, Layihə koordinatoru Hakan Avşar, Qazi Universitetinin professoru Camal Yılmaz iştirak ediblər. Onlar Xəzər Universitetinin nümayəndə heyətini salamlayaraq qarşıdakı səfərdə uğurlar arzulayıb və nümayəndə heyətinin üzvlərinə Türkiyə-Azərbaycan bayraqlarının simgəsi olan geyimləri hədiyyə ediblər.

Türkiyə Gənclər və İdman nazirliyində görüş

Türkiyə Gənclər və İdman nazirliyində görüş Türkiyə Cumhuriyyəti Gənclər və İdman nazirliyinin Xarici əlaqələr idarəsinin Genel Müdür Yardımcısı Enes Efendioğlu Xəzər Universitetinin nümayəndə heyətini qəbul edib. E.Efendioğlu Xəzər Universiteti ilə həyata keçirilən bu mübadilə proqramından məmnun olduğunu və bundan sonra da Xəzər Universiteti ilə əlaqələrinin inkişaf etdirilməsinin vacibliyini vurğulayıb. Gənclər və İdman nazirliyi Kırşehir il müdürü Numan Nafiz Şahin layihənin gedişi haqqında nazirliyin rəhbərliyinə və toplantı iştirakçılarına məlumatlandırıb. Nümayəndə heyətinin rəhbəri Əlövsət Əmirbəyli Xəzər Universiteti haqqında məlumat verərək universitetin Şuşa plaketini və Azərbaycanın Milli Brendi Azərçayın hədiyyəsini təqdim edib. Daha sonra Gənclər və İdman nazirliyinin “Gənclik radiosunda“ görüş davam etdirilib, xatirə şəkilləri çəkilib.

Xəzər Universitetinin nümayəndə heyəti anıt qəbirdə

Xəzər Universitetinin nümayəndə heyəti Cümhurbaşkanlığı Külliyəyə (Beştepe yerleşkesi) və Türkiyə Cumhuriyətinin qurucusu Ulu Önder Mustafa Kemal Atatürk’ün anıt məzarını ziyarət ediblər. Layihə koordinatoru Hakan Avşar Külliyə haqqında gənclərə məlumat verib. Sonda kollektiv olaraq xatirə şəkilləri çəkilib. 

Xəzər Universitetinin nümayəndə heyəti Türkiyə Böyük Millət Məclisində

Xəzər Universitetinin nümayəndə heyəti Türkiyə Böyük Millət Məclisində millət vəkili, Türkiyə-Azərbaycan Parlamentlərarası Dostluq qrupunun rəhbrəri Şamil Ayrım və Kırşehirli millət vəkili Hacı Turanla görüş keçirilib. Millət vəkilləri Xəzər Universitetinin nümayəndə heyətini salamlayaraq onlarla yaxından tanış olublar. Məclisin tarixində ilk dəfə olaraq Azərbaycandan gələn nümayəndə heyəti ilə görüşdən məmnun olduqlarını bildirilib.  Azərbaycan-Türkiyə dostluq əlaqələri haqqında tələbələrə ətraflı məlumat verilib. Türkiyə Cumhuriyyəti Gənçlik və Spor İl Müdürü Numan Hafiz Şahin Xəzər Universiteti ilə həyata keçirilən mübadilə proqramı haqqında millət vəkillərinə geniş məlumat verib. Xəzər Universitetinin İctimai Əlaqələr və Media üzrə direktoru, qrupun rəhbəri Əlövsət Əmirbəyli Universitetin təsisçisi, Direktorlar və Qəyyumlar Şurasının sədri professor Hamlet İsaxanlının və Universitetin rektoru İradə xanım Xəlilovanın salamlarını çatdıraraq bu kimi beynəlxalq mübadilə proqramlarının gənclər üçün böyük əhəmiyyət kəsb etdiyini deyib. O, Hamlet İsaxanlının “Mənim Qarabağım və ya Qarabağ Düyünü” kitabını, Xəzər Universitetinin Şuşa plaketini və Azərbaycanın Milli Brendi Azərçayın hədiyyəsini millət vəkili Şamil Ayrıma təqdim edib.  Millət Vəkilləri Şamil Ayrım və Hacı Turan Xəzər Universitetinin tələbələrini Ankarada qonaq etməkdən məmnun olduqlarını bildiriblər. Millət vəkili Şamil Ayrım nümayəndə heyətinin şərəfinə ziyafət təşkil edib. Sonda xatirə şəkilləri çəkilib.

Ankarada Məmmədəmin Rəsulzadənin məzarında 

Türkiyə Cumhuriyyəti Gənclər və İdman nazirliyi Türkiyə-Azərbaycan gənclərin mübadiləsi proqramının protokoluna uyğun olaraq Xəzər Universitetinin nümayəndə heyəti və nazirliyin əməkdaşları Cəbəci əsri məzarlığında yerləşən Azərbaycan Xalq Cumhuriyyətinin qurucusu Məmməd Əmin Rəsulzadənin məzarını ziyarət ediblər. Məzarın üstünə qərənfillər qoyulub.
Qrupun rəhbəri Əlövsət Əmirbəyli Məmməd Əmin Rəsulzadənin həyatı və yaradıcılığı haqqında tələbələrə məlumat verib. Həmin gün axşam Kırşehir millət vəkili Mustafa Kendirli Türkiyə Böyük Millət Məclisinin misafir salonunda Xəzər Universiteti nümayəndə heyətinin şərəfinə ziyafət təşkil edib. Sonra, nümayəndə heyəti proqrama uyğun olaraq Ankaradan Kırşehirə yola düşüblər.
Xatırladaq ki, növbəti günlərdə Kırşehir, Nevşehir və Kapadokyada görüşlər davam etdiriləcək. Nümayəndə heyətinin Media Qrupu tərəfindən görüşlər haqqında məlumat ictimaiyyətə çatdırılacaq.

Xəzər Universitetinin nümayəndə heyətinin rəhbəri Əlövsət Əmirbəyli və Türkiyə Gənclər və İdman Nazirliyi Kırşehir İl müdürü Numan Hafiz Şahin Külliyədə Cümhurbaşkanlığı protokol xidmətinin rəhbəri, sabiq səfir Ərkan Özoralı ziyarət ediblər. Görüşün sonunda Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlının yeni nəşr olunmuş “Mənim Qarabağım və ya Qarabağ Düyünü“ kitabı, universitetin Şuşa plaketi və Azərbaycanın milli brendi olan Azərçayın hədiyyəsi təqdim edilib.