BAKU Azərbaycan
5.03 °C
  • 1 USD ABŞ dolları
    1.7000
  • 1 EUR Avro
    1.8528
  • 1 RUB Rusiya rublu
    0.0208
  • 1 TRY Türkiyə lirəsi
    0.2616
  • 1 GBP İngiltərə funt sterlinqi
    1.9547
  • 1 USD ABŞ dolları
    1.7000
  • 1 EUR Avro
    1.8528
  • 1 RUB Rusiya rublu
    0.0208
  • 1 TRY Türkiyə lirəsi
    0.2616
  • 1 GBP İngiltərə funt sterlinqi
    1.9547

Bakı Şəhər Mədəniyyət Baş İdarəsi Yasamal rayon MKS-nin M.Ş.Vazeh adına Mərkəzi Kitabxanasında Azərbaycan Yazıçılar Birliyinin, Azərbaycan Jurnalistlər Birliyinin üzvü, tanınmış yazıçı, publisist və jurnalist Mircəfər Seyidovun İstanbulda türk dilində nəşr olunmuş “Peyğəmbər” romanının təqdimatı keçirildi.

Tədbiri giriş sözü ilə Yasamal rayon MKS-nin direktoru, tarix üzrə fəlsəfə doktoru, AJB-nin üzvü Lətifə Məmmədova açaraq qonaqları və tədbir iştirakçılarını salamladı, böyük Qələbə, tarixi Zəfər münasibəti təbrik etdi. Daha sonra Vətənimizin və torpaqlarımızın azadlığı uğrunda canlarından keçən şəhidlərin əziz xatirəsi bir dəqiqəlik sükutla yad edildi.

Sonra M.Seyidovun həyat və yaradıcılığı haqqında məlumat verildi. Qeyd olundu ki, M.Seyidov idman jurnalisti kimi də çalışıb. O, XX əsrin 80-ci illərində Şuşada keçirilən Xarıbülbül Musiqi Festivalında və Vaqif Poeziya Günlərində jurnalist kimi iştirak edib. Cəsur döyüşçü kimi ermənilərlə döyüşərək özünümüdafiə batalyonunu yaradıb. Mircəfər Seyidovun “Peyğəmbər” romanı həm kitabxanaçılar, həm də oxucular tərəfindən böyük maraqla qarşılanıb. Roman Məhəmməd Peyğəmbərin həyatı və Peyğəmbərlik dövrünü bədii formada əks etdirir.

Hilanə Babayeva öz çıxışında qeyd etdi ki, tədbirimiz çox gözəl və İlahi günə təsadüf edir. Allahın Rəsulu Həzrəti Peyğəmbərin qızı xanım Fatimeyi Zəhranın bu yaxınlarda şəhadəti günü oldu. Əsəri oxuduqca, baş verən əhvalatları çox həyəcanla qarşılayırsan. Əsərdə təsvir olunur ki, Peyğəmbərin əmisi düz yolda olmadığı üçün Allahın ona qəzəbi tutur, onun barəsində “Təbbət” surəsi nazil olur. İlk vəhyi aldığında boynuna düşən məsuliyyətin ağırlığını düşünərək narahatlığını dilə gətirdikdə xanımı Həzrəti Xədicə onu ruhlandırıb deyir: “Sən Allahın Rəsulusan, əsla narahat olma, Allah səni əsla utandırmayacaq, sənin vəzifən Allahın sözünü onlara çatdırmaqdır”. Burada Həzrəti Peyğəmbər Həzrəti Xədicə kimi həmdəmi, sirdaşı olduğu üçün Allaha şükürlər edir. Romanda biz Peyğəmbərin cahiliyyət dövründə qadına, xanımına dəyər verdiyinin şahidi oluruq.

Afət Ağayeva öz çıxışında bildirdi ki, Həzrəti Peyğəmbərin həyatı bizim üçün böyük nümunədir. Romandakı hadisələrdə haqq-ədalət, insanları pis əməllərdən, günahlardan çəkindirmək kimi əhəmiyyətli olan insanı dəyərlər aşılanır. Əsərin maraqlı anlarından biri də odur ki, azğınlaşmış bütpərəstlər insanların Allaha yaxın olmasının, dinin yayılmasının qarşısını almağın yeganə yolunu Həzrəti Məhəmmədi məhv etməkdə görürlər. Ona sui-qəsd etmək istəyirlər. Ümumiyyətlə romanda islam dininin yaranmasında çoxlu itkilərin olduğunu, lakin buna baxmayaraq insanların Allaha daha möhkəm bağlandığını görürük. Romanın sonunda Həzrəti Peyğəmbərin ikinci vətəni olan Mədinəyə köçdüyünü və bu şəhəri islam dininin mərkəzinə çevirdiyinin şahidi oluruq.

Oxucu Bağıyət Tağıyeva qeyd etdi ki, bəşəriyyəti yaradan Allah onu sahibsiz yaratmayıb. Bu dünyada əməl və davranışları ilə insanlara nümunə olan, haqq və həqiqətləri insanlara öyrədən peyğəmbərləri və onlarla birlikdə İlahi dəvətləri göndərib. Son Peyğəmbər olan Allahın elçisi Həzrəti Məhəmmədin həyatı bizim üçün böyük nümunədir. Bu gün hər birimiz Peyğəmbərin həyatını öyrənməyə, onun yüksək əxlaqını örnək götürüb yaşamağa çalışmalıyıq. B.Tağıyeva yazıçıya yaradıcılıq uğurları arzulayaraq qeyd etdi ki, bu əsər müasir dövrdə gənclərimiz üçün çox əhəmiyyətlidir, bütün uşaqlar, böyüklər hər gün Qurani-Kərimi oxuyub, insani, ədəb və əxlaqi keyfiyyətləri öyrənməlidirlər. Quran bizim stolüstü kitabımız olmalıdır.

Yeganə Qafarova yazıçı M.Seyidovu yenicə Türkiyədə tərcümə və nəşr olunmuş “Peyğəmbər” romanının işıq üzü görməsi münasibəti ilə təbrik etdi. O, Mircəfər Seyidovun “Qəfil oyanış” kitabı ilə tədbir iştirakçılarını tanış etdi. Və qeyd etdi ki, povest və etüdlərdən ibarət olan bu kitabda islam dini haqqında məlumatlar sadə dildə oxuculara təqdim olunub. Əsərin qəhrəmanı Şirinin dini-fəlsəfi görüşləri, vətən, cəmiyyət barədə fikirləri, yaradıcılıq düşüncələri çox maraqlı və əhəmiyyətlidir. Müəllifin bu əsərində narkomaniya, Qarabağ münaqişəsi və həyatımızda baş verən digər problemlərə toxunulub. Kitabda yazıçımız Mircəfər müəllim gəncləri, ziyalıları, tanıdığı və tanımadığı hər kəsi, bütün insanları Allahı tanımağa, “Siratəl müstəqim” yoluna dəvət edir.

Tanınmış yazıçı, publisist, Q.R.Derjavin ordeninin mükafatçısı Nüşabə Məmmədli vurğuladı ki, bu gün Mircəfər müəllimin günüdür. Mən gənc yazıçı olanda M.Seyidov mənim əsərlərimi Bərdə şəhərində çıxan yerli qəzetdə çap etdirdi. Mircəfər müəllimin çox güclü qələmi var. Peyğəmbərdən hər yazıçı yaza bilməz, onun boynuna biçilib bu əsəri yazmaq. İman Mircəfər müəllimin boyunda, taleyində, ömründə, həyatında cilalanıb.

Şair Nafilə Abuzərli qeyd etdi ki, kitabxanada bu cür dəyərli əsərlərin təbliğ edilməsi təqdirə layiqdir. Belə kitabların yazılması çox gözəldir. Çox sevinirəm və təşəkkür edirəm ki, Mircəfər müəllim belə əsər yazıb, xalq onu yaşadacaq, bu əsər tarixi əsərlər sırasına daxil olunacaq.

Yazıçı Mənzər Niyarlı Mircəfər Seyidova yaradıcılıq uğurları arzuladı, "Peyğəmbər” romanının Azərbaycan dilində ikinci nəşrinin hazırlanmasının zəruri olduğunu bildirdi. Mən Mircəfər müəllimə uzun ömür arzulayıram, həmişə yazıb yaratsın.

Nigar Seyidova yazıçı Mircəfər Seyidovu təbrik edərək “Vağzalı” şeirindən bir parça oxudu.

Tədbirin sonunda yazıçı Mircəfər Seyidov tədbir iştirakçılarına minnətdarlığını bildirdi və gələcək yaradıcılıq planlarından danışdı.

Yazıçı və jurnalist M.Seyidova M.Ş.Vazeh adına Mərkəzi Kitabxananın Fəxri oxucusu statusu verildi və o, Fəxri fərmanla təltif olundu.

Təqdimatda yazıçı və jurnalist Mircəfər Seyidovun yaradıcılığına həsr olunmuş videoçarx nümayiş olundu.

Tədbirin bədii hissəsində Beynəlxalq müsabiqələr laureatı, xanəndə Maya Cəbrayılova “Qaragilə”, “Sarı gəlin”, “Şuşanın dağları” mahnılarını və bir neçə muğam ifa etdi. 167 №-li tam orta məktəbin şagirdləri Nuray Rzaquluzadə, Dəniz Vəliyeva, Fatimə Məmmədova, Teymur Həsən, Əli Hüseynov, Dəniz İsgəndərli, Əli Məmmədzadə, Fərhad Ağayev, Camal Həsənov “Qələbəsiz dönmərəm” və “Ey Vətən” mahnılarını ifa etdilər. Bədii rəhbər məktəbinm musiqi müəllimi Aynurə Quliyevadır.

Oxucu Umleyla Rzazadə “Adı gözəl, özü gözəl Məhəmməd” şeirini səsləndirdi.

Yazıçı Mircəfər Seyidov şəxsi kitabxanasından M.Ş.Vazeh adına Mərkəzi Kitabxanasına çoxlu sayda kitablar hədiyyə etdi.                                                                                                                                                                                                

 

Son xəbərlər

İsmayıllı Rayon İcra Hakimiyyətinin başçısı  şəhər 4 nömrəli uşaq bağçasında olub

Moskvada Stalinqrad döyüşü və Vətən Müdafiəçiləri Gününə həsr olunan tədbir keçirilib

Distant təhsil yeni və fərqli təhsil formasıdır

Uşaq yazıçısı, şairi Gülzar İbrahimovanın yaradıcılıq gecəsi keçirildi

Krasnoyarsk azərbaycanlıları: Cavadov Səbuhi – idmançı və məşqçi

Yaxın günlərdə Xocalı itkinləri mövzusunda çəkilmiş “13” adlı bədii-sənədli filmin premyerası olacaq

Elşən Uluxanlı Prezident İlham Əliyevi təbrik edib 

QƏRBİ AZƏRBAYCANIN MİLLİ-MƏDƏNİ İRSİ GƏNCLƏRİN GÖZÜ İLƏ adlı müsabiqə elan olunub

Milli Qəhrəman İbad Hüseynov Adana valisi ilə görüşüb

Qalib Liderlə yeni üfüqlərə doğru

ABŞ-da yaşayan tanınmış rəssam Prezident İlham Əliyevi təbrik edib

Uğur simvoluna çevrilən LİDER

Leninoqorsk vilayətindəki soyadaşlarımız Prezident İlham Əliyevi təbrik ediblər

Ölkəmizdə distant təhsilin tətbiqi mümkündürmü?

Milli Qəhrəman İbad Hüseynov Hatay valisi ilə görüşüb

“Khan Academy Lənkəran təhsilində” layihəsi çərçivəsində sosial çarx hazırlanıb

"Tək övladını şəhid verən Ana..."

Azərbaycana dost olan ölkələrin deputatları AŞPA-dakı qətnaməyə niyə “hə” dedi? -RƏY

Konstitusiya Məhkəməsi Azərbaycan Respublikası Prezidenti seçkilərinin yekunlarını təsdiqləyib və elan edib

Şəhidə həsr olunmuş “Unudulmaz ömür yolun...” oçerki kitabxanaya təqdim olundu

Şahin Məmmədov seçkilərdə inamlı qələbə münasibətilə Prezident İlham Əliyevi təbrik edib

Millət vəkili və icra başçısı növbəti səyyar qəbul keçiriblər

Azərbaycan Küveytdə keçirilən “Dünya xalqları forumu”nda təmsil olunub

Sidneydə Azərbaycandakı dinlər və millətlərarası harmoniyadan bəhs edilib

Demokratik, şəffaf, azad...Deputatdan açıqlama

Leyla Abdullayeva Fransanın ali təhsil ocağının tələbələrinə Bakının xarici siyasətindən danışıb

“Sivil Toplum” Monitorinq Koalisiyası Belçika Krallığının Azərbaycandakı səfirliyində görüş keçirib

“Sivil Toplum” Monitorinq Koalisiyası müşahidə nəticələrinə dair bəyanat yayıb

“Sivil Toplum” Monitorinq Koalisiyası: "Seçici fəallığı çox yüksəkdir"

Ruslan Əliyev müharibə veteranının anasını təltif edib

Bütün xəbərlər