Koalisiya 2025-ci il üzrə ictimai mzakirələr, təlimlər keçirilməsi, təlim modulları, qanunverilciyin təkmilləşdirilməsi məqsədilə təklifər hazırlanması,  monitorinqlər və geniş maarifçilik fəaliyyəti nəzərdə tutur

Bu gün Milli QHT Forumunun konfrans zalında İnsan Alverinə Qarşı Mübarizə üzrə QHT Koalisiyasının növbəti Ümumi Yığıncağı keçirilib. Hibrid formatda keçirilən Ümumi Yığıncağa regionlarda fəaliyyət göstərən və səhəti ilə ilə əlaqədar bir sıra üzvlər onlyan qatılıblar. 

Ümumi Yığıncaq iştirakçıları Azərbaycanın ərazi bütövlüyü və suverenliyi uğrunda şəhidlərin əziz xatirəsni bir dəqiqəlik sükutla yad ediblər. Azərbaycan Respublikasının Dövlət Himni səsləndirildikdən sonra Koalisiyasnın sədri Mehriban Zeynalova Gündəliyə təklif olunan məsələlər barədə məlumat verib. Təkliflər nəzərə alınmaqla Gündəlik təsdiqlənib. 

M.Zeynalova bildirib ki, Ümumı Yığıncaq Gündəliyə uyğun olaraq Koalisiya sədrinin müavinini, İdarə Heyətini və Nəzrət Təftiş Qrupunu seçməlidir.  M. Zeynalova Koalisiya sədrinin müavini vəzifəsinə “Polisə dəstək” İctimai Birliyinin sədri Şəmsəddin Əliyevin namizədliyini irəli sürüb. Başqa namizədlər olmadığından təklif səsə qoyulub və Şəmsəddin Əliyev yekdilliklə Koalisiya sədrinin müavini seçilib. 

Koalisiya sədrinin təklifi ilə Ş.Əliyev, həmçinin iclasın sədri seçilib. Ümumi Yığıncaq müzakirələrdən, namizədlərin çıxışlarından sonra açıq səsvermə ilə Koalisiyanın İdarə Heyəti və Nəzarət Təftiş Qrupu üzvlərini seçib. 

“Ailə Dünyası” Ailələrə Hüquqi Yardım İctimai Birliyinin sədri Gülayə Quliyeva, “Ümidli Gələcək” Sosial Təşəbbüslər Təşkilatının icraçı direktoru, Uşaq Hüquqları üzrə Azərbaycan QHT Alyansının koordinatoru Kəmalə Aşumova, XXI Əsrin Qadınları” İctimai Birliyinin sədri Mahirə Əmirhüseynova, “Sağlam İnkişaf və Maarifləndirmə” İctimai Birliyinin sdəri Anar Xəlilov, “Demokratik Cəmiyyət və Qadın Hüquqlarının Müdafiəsi” İctimai Birliyinin sədri Mehriban Abdullayeva, “Təmas Regional İnkişaf” İctimai Birliyinin sədri Südabə Məmmədova, İqtisadi Hüquqi Maarifçilik Mərkəzi İctimai Birliyinin icraçı direktoru  Ağamirzə Bağırov  İdarə Heyətinin üzvləri seçiliblər.  

“Sosial, İqtisadi və Kənd Təsərrüfatının İnkişafına Dəstək”  İctimai Birliyinin sədri   Zülfiyyə Nuriyeva,  “Hüquqi –Sosial Yardım və Maarifləndirmə” İctimai Birliyinin sədri Fariz Əkbərov Nəzarət Təftiş Qrupu üzvləri seçiliblər.

Ümumi Yığıncaq 2025-ci il üçün Fəaliyyət Planına verilmiş təklifləri, nəzərdə tutulan tədbirləri müzakirə edib. Koalisiya sədri bildirib ki, onlyan müzakirələrdən onra artıq fəaliyyət Planın ilkin varinatı hazırlanıb və üzvlərə təqdim edilib. Hazırda Koalisiya üzvlərinin rəyləri əsas götürülməklə yenidən nəzərdən keçirilir. 2025-ci il üzrə ictimai müzakirələr, təlimlər,  monitorinqlər keçirilməsi, təlim modulları, qanunverilciyin təkmilləşdiirlməsi məqsədilə təklifər hazırlanması və geniş maarifçilik fəaliyyəti nəzərdə tutulur.   

Ümumui Yığıncaq İdarə Heyətinin 2025-ci il yanavar ayının sonunda Koalisiya üzvlərinin təklifləri nəzərə alınmaqla Fəaliyyət Planını təsdiqləməsi və Koalisiyaya təqdim etməsi barədə qərar qəbul edib.