Sosial şəbəkələrdə yeniyetmələr maarifləndiriləcək
Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə Sosial şəbəkələrdə milli-mənəvi dəyərlərin qorunması və təbliğinin təşkili istiqamətində yeniyetmələrin maarifləndirilməsinə start verilir
“İnformasiya Texnologiyalarının Tətbiqinə Yardım Mərkəzi” İctimai Birliyi 01 sentyabr 2022-ci ildən 2 ay müddətində Qeyri-Hökumət Təşkilatlarına Dövlət Dəstəyi Agentliyin maliyyə dəstəyi ilə Bakı şəhərində həyata keçirilən “Sosial şəbəkələrdə milli-mənəvi dəyərlərin qorunması və təbliğinin təşkili istiqamətində yeniyetmələrin maarifləndirilməsi” adlı layihə çərçivəsində 13-18 yaş qrupunda olan yeniyetmələr üçün təlimlərə start verəcək. Layihənin həyata keçirilməsində əsas məqsəd sosial şəbəkə istifadəçisi olan yeniyetmələrə milli-mənəvi dəyərlərin virtual aləmdə təbliği üçün maarifləndirmə tədbirləri təşkil etmək, xalqımızın əxlaqi dəyərlərinə sığmayan və gənclərin mənəvi-psixoloji durumuna ciddi təsir edən paylaşımların zərərli təsirlərindən qorunmaq yolları barədə onları məlumatlandırmaqdır.
Uşaq və gənclik yaşı arasında aralıq dövürdə olan yeniyetmələrin bu sahədə maarifləndirilməsi onların gələcək həyatında önəmli rol oynamaqla yanaşı, sosial şəbəkələrin zərərli təsirləri ilə qarşılarına çıxa biləcək mümkün risklərdən qorunmasında və milli-mənəvi dəyərlərin sosial şəbəkələrdə təbliği işlərinin təşkili yolları barədə məlumatlandırmaqdır.
Təlimlərin sonunda layihədən faydalananların fikirlərinin sorğu formasında alınması və sosial şəbəkədə işıqladırılan layihə barədə istifadəçi rəyləri laihənin qiymətləndirilməsi meyarıdır.
Layihədən faydalanan yeniyetmələrin öz yaşıdlarına öyrəndikləri barədə məlumat ötürməsi, layihə çərçivəsində həyata keçirilən maarifləndirmə tədbirlərinin sosial şəbəkələrdə yerləşdirilməsi layihə ideyalarının davamlı olaraq təsirini təmin edəcəkdir.
Layihə çərçivəsində təşkil ediləcək təlimləri təcrübəli təlimçi aparacaq.
Nəzərinizə çatdırırıq ki, təlimlər 3 gün ərzində keçiriləcək.
Təlimlərdə media və QHT nümayəndələrinin də iştirakı nəzərdə tutulur.