BAKU Azərbaycan
3.03 °C
  • 1 USD ABŞ dolları
    1.7000
  • 1 EUR Avro
    1.8528
  • 1 RUB Rusiya rublu
    0.0208
  • 1 TRY Türkiyə lirəsi
    0.2616
  • 1 GBP İngiltərə funt sterlinqi
    1.9547
  • 1 USD ABŞ dolları
    1.7000
  • 1 EUR Avro
    1.8528
  • 1 RUB Rusiya rublu
    0.0208
  • 1 TRY Türkiyə lirəsi
    0.2616
  • 1 GBP İngiltərə funt sterlinqi
    1.9547

Avropa Şurası Parlament Assambleyasının (AŞPA) Azərbaycan əleyhinə qətnamə qəbul edərkən bizə dost hesab olunan bəzi ölkələrin deputatlarının da prosesə qoşulması təəssüf doğurur. Böyük Britaniya, Moldova, İtaliya və Serbiya kimi dövlətlərin nümayəndələrinin qərəzli kampaniyaya qoşularaq qətnamənin qəbuluna dəstək vermələri heç bir halda onların mövqeyi kimi qəbul edilə bilməz.

Bu sözləri AZƏRTAC-a açıqlamasında politoloq Ramiz Alıyev söyləyib.

O bildirib ki, bəzi ölkələrin AŞPA-dakı nümayəndələri arasında Azərbaycanla bağlı qətnamənin əleyhinə də səs verənlər olub, lehinə də. “Azərbaycanın Britaniya, Moldova, İtaliya, Serbiya kimi ölkələrlə çox yaxşı münasibətləri var. Azərbaycan İtaliyanın elektrik enerjisi təchizatında böyük rol oynayır. Amma bu gün İtaliyada da ümumavropa, xristian maraqlarını hər şeydən üstün tutan deputatlar var. Eyni vəziyyət Moldova, Serbiya ilə də keçərlidir. Hətta qardaş Türkiyənin AŞPA-dakı deputatı Berdan Öztürk də Azərbaycanın əleyhinə səs vermişdi. Bu, həmin Berdan Öztürkdür ki, soyadında “türk” sözünün olmasına baxmayaraq, PKK-nın maraqlarını hər zaman müdafiə edib. O, Türkiyənin əleyhinə olan sənədi dəstəkləyən, terrorçu Abdullah Öcalanı müdafiə edən şəxsdir. AŞPA-dakı deputatlar bir sıra hallarda dövlətlərarası münasibətləri görməzdən gəlirlər və öz siyasi baxışlarına üstünlük verirlər. Xüsusilə də sol təmayüllü deputatlar demokratiya, insan haqları məsələlərində ifrata varırlar. Onlar cinsi, etnik azlıqların maraqlarını dövlətlərin milli maraqlarından üstün tuturlar. Azərbaycana qarşı qətnaməyə səs verənlər əsasən solçu baxışları olan deputatlar olub. Bu mənada biz heç bir halda Türkiyə kimi qardaş, Britaniya, Moldova, İtaliya, Serbiya kimi dost dövlətlərin AŞPA-dakı deputatlarının mövqelərinin həmin ölkələrin mövqeləri kimi qəbul etməməliyik”, - deyə R.Alıyev diqqətə çatdırıb.

Politoloqun sözlərinə görə, solyönümlü deputatlar daha çox Fransa, Almaniya kimi ölkələr tərəfindən istiqamətləndirilir. Azərbaycan AŞPA-ya torpaqlarımız işğal altında olduğuna görə üzv qəbul edilib. Hesab edirdik ki, bu üzvlük təcavüzkar Ermənistanın beynəlxalq təşkilatlar tərəfindən cəzalandırılmasına kömək edə bilər. Avropa Şurası 30 il ərzində bircə dəfə də olsun təcavüzkar Ermənistanın səsvermə hüququnu əlindən almadı, heç bir məhdudiyyət, cəzalandırıcı qərarlar qəbul etmədi. Biz Qarabağ problemini özümüz həll etdik. Bundan sonra Avropa Şurası, Avropa Parlamenti kimi qurumlar bizə lazım deyil. Azərbaycanla əməkdaşlıq, ilk növbədə, Avropa təşkilatlarının özünə lazımdır.

R.Alıyev onu da vurğulayıb ki, bəzi Qərb dövlətlərinin Azərbaycana qarşı qərəzli addımları ölkəmizin əsas hissəsini Naxçıvanla və Türkiyə ilə birləşdirəcək nəqliyyat xəttinin İrandan keçməsinə dair razılaşmadan sonra baş verdi. “Qərb nəqliyyat xəttinin İrandan kənar - Ermənistan keçməsini dəstəkləyirdi. Amma İrəvan Zəngəzur dəhlizinin açılmasına imkan vermədi və belə olan halda, Azərbaycan İranın təklifini qəbul etdi. Əslində, burada günah Ermənistanda və onun havadarlarındadır. Gərək Qərb Ermənistan hakimiyyətinə təzyiq göstərəydi ki, Zəngəzur dəhlizinin açılmasına icazə versin. Düşünürəm ki, Ermənistanın və Qərbin narahatlıqlarına, təzyiqlərinə baxmayaraq, Azərbaycan qarşısına qoyduğu hədəflərə çatacaq”, - deyə o bildirib.

Son xəbərlər

Türkiyədə Xocalı soyqırımına həsr olunmuş konfrans keçirilib

Polşa Azərbaycanlıları Şurası və “Citi Bank”ın dəstəyilə Varşava Azərbaycan Evində təlim keçirilib

Ömrünü səhiyyəyə həsr etmiş FAZİL İSMAYILOV

Bu dəfə də tamaşa alqışlarla qarşılandı…

Üzeyir Hacıbəylinin 140 illik yubileyi ilə əlaqədar Özbəkistan Dövlət Akademik Böyük Teatrında konsert keçiriləcək

QHT Koalisiyasının Sosial Tədqiqatlar Mərkəzi ilə görüşü keçirilib –FOTOLAR

Azərbaycanla Somali strateji əməkdaşlığı gücləndirir

"Ölkəmizlə münasibətləri inkişaf etdirmək istəyən dövlətlərin sayı artıb"- Mehriban Vəliyeva

Azərbaycan və Çin strateji tərəfdaşdır

QHT sədri xarici mənşəli, lakin Azərbaycana xidmət edən şəxslərin cəmiyyətdə rolundan danışdı - FOTO

​Kitabxanaya yeni şeirlər təqdim edildi

Humanizm prinsiplərinə hörmət

İstanbulda Mavi Vatan Kəşfiyyat Məktəbində Xəzər Dənizi mövzusunda seminar keçirilib

"Velikoros şovinizmi" yeni ampulada

POLAD BÜLBÜLOĞLUNUN 80 İLLİK YUBİLEYİNƏ MƏQALƏ TƏQDİM EDİLİB

Aberdində “Gənclər Günü” Azərbaycan ruhu ilə qeyd olunub-FOTOLAR

Dövlət və cəmiyyətin inkişafında Azərbaycan gəncliyinin rolu

Varşava Azərbaycan Evində Təsirli Nitq Bacarıqları seminarı uğurla tamamlanıb

Regionlarda insan alverinə qarşı mübarizə aktivləşəcək

Binəqədidə 2 Fevral- Gənclər Gününə həsr olunmuş tədbirlər keçirilib

“Gənclik Müasir Liderininətrafında sıx birləşərək əminliklə gələcəyə addımlayır” -Mehriban Vəliyeva

Deputat Sumqayıtda vətəndaş qəbulu keçirdi

Polşadakı türk dünyası gəncləri üçün səmərəli imkanların yaradılması yolları müzakirə edilib

Tanınmış bakılı jurnalistin kitabının təqdimatı olub

“Nəqliyyat məsələlərini həmişə diqqət mərkəzində saxlamışıq”

"Məhkəmənin gedişini izləyək, Paşinyanın hələ bir çox cinayətlərinin üstü açılacaq" - Deputat

İnsan alverinə qarşı mübarizə haqqında qanunvericiliyin təkmilləşdirilməsi üçün təkliflər hazırlanır

"Azərbaycanın aktiv iştirak etdiyi beynəlxalq tədbirlər sırasında Davos İqtisad Forumu xüsusi rola malikdir"

“Yaşıl Azərbaycan: Ekologiya Şuuru və Dayanıqlılıq” layihəsi

Azərbaycan və Gürcüstanın regional sabitliyə xidmət edən münasibətləri

Bütün xəbərlər