Azərbaycanın İraqdakı səfiri Nəsir Məmmədov növbəti dəfə Kərkük Türkmənelini ziyarət edib. O, İraq Türkməneli Partiyasının 30 illik yubileyində iştirak edib və partiyanın rəhbərliyini təbrik edib.

Versus.Az xəbər verir ki, Səfir Nəsir Məmmədov partiyanın başqanı Riyaz Sarıkahya ilə görüşüb. İki ölkə arasındakı əlaqələr, eləcə də özlərini Azərbaycanın bir parçası sayan türkmənlərin ata yurdla münasibətləri müzakirə edilib.

Azərbaycanlı diplomat Kərkükdə olmaqdan, Riyaz Sarıkahya ilə görüşdən qürur duyduğunu bildirib.

İraq Türkməneli Partiyasının başqanı Riyaz Sarıkahya isə illərdir iki ölkə arasında, eyni zamanda Türk Dünyası ilə Kərkük Türkmənelinin, İraq türkmənlərinim dostluq körpüsü olmağa çalışdıqlarını vurğulayıb.