Diaspor
20.01.2024 / 21:17
Krasnoyarskda 20 Yanvar şəhidləri yad edilib
Yanvarın 20-də Krasnoyarsk məscidində 20 yanvar 1990-cı il tarixində Bakı faciəsinin “Qara yanvar” kimi tanınan qurbanlarına həsr olunmuş xatirə gecəsi keçirilib. Anım tədbiri Krasnoyarsk diyarının Regional Azərbaycan Milli-Mədəni Muxtariyyəti tərəfindən təşkil edilib.
Tədbir bir dəqiqəlik sükutla başlayıb, sonra şəhidlərin xatirəsi Qurani-Kərim oxunaraq yad edilib.
Tədbirdə Krasnoyarsk diyarının Regional Azərbaycan Milli-Mədəni Muxtariyyətinin sədr müavini Ayaz Məmmədov və din xadimi hacı Mütəllib İbişov çıxış ediblər.
Çıxış edənlər 20 yanvar 1990-cı il tarixində baş vermiş faciəli hadisələrdən danışıb.
Allah şəhidlərə rəhmət etsin!
